گوگل نیوز پر ہمیں فالو کریںآننت امبانی اور رادھیکا مرچنٹ کی شادی سے قبل ہلدی کی تقریب میں سلمان خان اور رنویر سنگھ سمیت بالی ووڈ ستارے پیلے رنگ میں رنگ گئے۔
ایشیا کی امیر ترین کاروباری شخصیت مکیش امبانی کے بیٹے آننت امبانی اور رادھیکا مرچنٹ کی شادی رواں ماہ 12 جولائی کو ہونی ہے جس سے قبل ہلدی کی تقریب پیر کو منعقد ہوئی جس میں بالی ووڈ کے ستارے سلمان خان، رنویر سنگھ، سارہ علی خان اور دیگر شریک ہوئے۔
رادھیکا مرچنٹ اور آننت امبانی کی ہلدی کی تقریب میں منوشی چلر، شاہ رخ خان کی فلم جوان کے ہدایتکار ایٹلی، انیل امبانی، ٹینا امبانی اور دیگر نے بھی شرکت کی۔ سلمان خان نے ہلدی کے رنگ کا پیلا کرتا پہن رکھا تھا، جبکہ دیگر فنکاروں نے بھی پیلے رنگ کو بہت اہمیت دی۔
بالی ووڈ کے دیگر ستاروں نے بھی ہلدی کی تقریب میں شرکت کی جن میں جھانوی کپور، آننیا پانڈے اور ارجن کپور بھی شامل ہیں۔ ایک ویڈیو میں رنویر سنگھ نے ہاتھ لہرا کر مداحوں کو ہلدی کی تقریب میں شرکت کی اطلاع دی جس میں ان کے بال تک ہلدی کے رنگ میں رنگ چکے تھے۔
View this post on Instagram
اداکار سلمان خان کو بھی ایک ویڈیو میں اپنی فلم رادھے کے ٹائٹل سانگ کے ساتھ انٹری کرتے ہوئے دکھایا گیا۔ اس موقعے پر اداکار سلمان خان نے تصویر کھنچوانے کیلئے جو پوز دیا، اس پر مداحوں نے الگ الگ انداز میں تبصرے کیے ہیں۔
View this post on Instagram
بالی ووڈ اداکارہ آننیا پانڈے بھی پریٹی وومن کے گیت کے ساتھ ہلدی کی تقریب میں شرکت کی مختصر ویڈیو میں نظر آئیں۔ایک اور اداکارہ سارہ علی خان بھی آننیا پانڈے کے ہمراہ پوز دینے کیلئے ویڈیو کلپ ریکارڈ کراتی نظر آئیں۔
View this post on Instagram
View this post on Instagram
فلمی ستاروں نے ہلدی کی تقریب کے موقعے پر الگ الگ پوز دیتے ہوئے تصاویر بھی کھنچوائیں جنہیں فوٹو شیئرنگ پلیٹ فارم انسٹاگرام پر شیئر کیا گیا۔ آننیا پانڈے کی تصویر پر مداحوں نے تبصرے کرتے ہوئے اپنی پسندیدگی کا اظہار کیا۔
اداکارہ جھانوی کپور اور سارہ علی خان کی تصاویر کو بھی پسند کیا گیا۔ مجموعی طور پر آننت امبانی اور رادھیکا مرچنٹ کی ہلدی کی تقریب میں بالی ووڈ ستاروں نے اپنی شرکت سے چار چاند لگا دئیے۔
