حدیقہ کیانی نے خوبصورت آواز میں سورۃ رحمن کی تلاوت شیئر کردی

لاہور:پاکستان کی معروف گلوکارہ حدیقہ کیانی نے خوبصورت آواز میں سورۃ رحمن کی تلاوت کر کے شیئر کردی۔سماجی رابطے کی ویب سائٹ انسٹاگرام پر سورۃ رحمن کی اردو ترجمہ کیساتھ ویڈیو شیئر کرتے ہوئے حدیقہ کیانی نے لکھا کہ وہ ہمیشہ سے اس سورۃکی تلاوت کی خواہشمند تھیں۔

حدیقہ کیانی نے لکھا کہ تلاوت کی گئی سورۃ رحمن انہوں نے بچپن میں قاری صاحب کی سکھائی گئی قرآت سے پڑھنے کی کوشش کی ہے۔آج اس کی کوشش کی ہے،انہوں نے لکھا کہ ہمیں ہر وقت اللہ سے رابطہ رکھنے اور زندگی کے اصل مقصد کے حوالے سے سوچنے اور غور و فکر کرنے کی ضرورت ہے۔

I have recited the beautiful verses of Ayat #1-13 of Surah-Ar-Rahman سورة الرحمن, I have been reciting this Qirat since childhood. Connect with the Almighty, remind yourself of the purpose of life, and cherish the blessings you have. https://t.co/5VkKuvoJzT

— Hadiqa Kiani (@Hadiqa_Kiani) May 14, 2020

انہوں نے کہا کہ ہمیں ہمیشہ زندگی کے اصل مقصد سے آگاہ رہنا اور رب العزت کی دی گئی نعمتوں کا شکر ادا کرنا چاہیے۔اور کبھی بھی اس کا شکر ادا کرنے سے غافل نہیں ہونا چاہئے، 14 منٹ اور 12 سیکنڈ پر مشتمل حدیقہ کیانی کی آواز میں سورۃ رحمن کی آیت نمبر ایک سے 13 تک کی ویڈیو کو صارفین کی جانب سے خوب سراہا جارہا ہے۔