گوگل نیوز پر ہمیں فالو کریںاسلام آباد :حزب اسلامی کے رہنما ء گلبدین حکمت یار ایک وفد کے ہمراہ آج اسلام آباد پہنچیں گے اور افغان امن عمل اور پاک افغانستان دوطرفہ تعلقات کی مضبوطی کے حوالے سے تبادلہ خیال کریں گے۔
دورے کے دوران گلبدین حکمت یار وزیر اعظم عمران خان اور صدر ڈاکٹر عارف علوی سے ملاقات کریں گے اور چیئرمین سینیٹ ، اسپیکر قومی اسمبلی ، وزیر خارجہ اور دیگر معززین سے بھی ملاقات کریں گے۔
دفتر خارجہ کے ترجمان نے ایک پریس ریلیز میں کہا کہ گلبدین حکمت یار پالیسی تھنک ٹینک پر بات کریں گے اور میڈیا سے بات چیت کریں گے۔
دفتر خارجہ کا کہنا ہے کہ گلبدین حکمت یار کا دورہ افغان امن عمل اور پاک افغانستان باہمی تعلقات کو مضبوط بنانے کے ساتھ ساتھ عوام سے باہمی رابطوں پر تبادلہ خیال کا موقع فراہم کرے گا۔
گلبدین حکمت یار کے اس دورے سے دونوں برادر ممالک کے مابین دوطرفہ تعلقات کو مزید تقویت ملے گی اور امن و استحکام کے لئے پیش قدمی کی کوششوں میں مدد ملے گی۔
ترجمان دفتر خارجہ کا کہنا ہے کہ پاکستان افغانستان کی جڑیں مشترکہ تاریخ ، ایمان ، ثقافت ، اقدار اور روایات سے گہری جڑی ہیں۔
پاکستان افغانستان کے ساتھ اپنے برادرانہ تعلقات کو بہت اہمیت دیتا ہے ۔انہوں نے کہا کہ پاکستان افغانستان کی خوشحالی کے لئے تمام کوششوں کی مکمل حمایت کرتا ہے۔
یہ بھی پڑھیں: ہوٹل کا دروازہ نہیں توڑا گیا، مریم نواز نے جھوٹ بولا۔علی زیدی
