متنازعہ سی سی پی او لاہور عمر شیخ عہدے سے فارغ

لاہور:پنجاب حکومت نے مختلف تنازعات کے باعث سی سی پی اولاہورعمر شیخ کو تبدیل کرکے غلام محمد ڈوگر کو سی سی پی او تعینات کردیا۔

ذرائع کا کہنا ہے کہ سی سی پی او لاہور عمر شیخ کو ان کے رویے کی وجہ سے عہدے سے ہٹایا گیاہے، عمر شیخ کے نامناسب رویے کی وجہ سے حکومت کو شدید پریشانی کا سامنا تھا۔

لاہور میں موٹر وے پر زیادتی کے بعد متنازع بیان کے بعد سی سی پی او لاہور عمر شیخ کو سخت تنقید کا نشانہ بنایا گیا تھا جس کےبعد انہوں نے معذرت بھی کی تھی۔

ملزمان کی ضمانتوں کے حوالے سے بیان پرگزشتہ دنوں عدالت نے بھیسی سی پی او لاہور عمر شیخ کی بھرپور سرزنش کی تھی۔ ذرائع کا کہنا ہے کہ عمر شیخ کے متنازعہ بیانات کی وجہ سے حکومت نے ان کی جگہ غلام محمد ڈوگر کو سی سی پی او لاہور تعینات کردیا ہے۔