گوگل نیوز پر ہمیں فالو کریںاسلام آباد:وفاقی حکومت نے مہنگائی میں پسے ہوئے عوام پر پیٹرول بم گرا دیا،پٹرول اور ڈیزل کی کی قیمت میں 30 روپے فی لٹر اضافہ کرنے کا اعلان کردیا گیا۔
پریس کانفرنس کرتے ہوئے وفاقی وزیر خزانہ مفتاح اسماعیل نے کہا کہ پٹرولیم مصنوعات کی قیمتیں بڑھائے بغیر آئی ایم ایف پروگرام نہیں مل سکتا،پٹرول، ڈیزل اور کیروسین آئل 30 روپے مہنگا ہوگا، فیصلے کا اطلاق آج رات 12 بجے سے ہوگا۔
وفاقی وزیر خزانہ مفتاح اسماعیل نے کہا کہ آئی ایم ایف نے پٹرول کی قیمت بڑھانے تک ریلیف سے انکار کیا ہے، عمران خان کے فارمولا پر جاؤں تو پٹرول 205 روپے لیٹر ہو جائے گا۔
وفاقی وزیر خزانہ نے سماجی ابطے کی ویب سائٹ ٹویٹر پر لکھا کہ پٹرول کی نئی قیمت 179 روپے 86 پیسے فی لٹر، ڈیزل کی فی لٹر قیمت 174 روپے 15 پیسے ہو گئی ہے۔
انہوں نے کہا کہ سابق حکومت کی پالیسیوں کے باعث آج مشکلات کا سامنا ہے، سابق حکومت نے پٹرول اور ڈیزل کی قیمت کو فکس کیا، عوام پر کسی بھی قسم کا بوجھ ڈالنا ہمارے لیے مشکل فیصلہ تھا۔
مزید پڑھیں:الیکشن کب کرانے ہیں،فیصلہ اتحادی حکومت ہی کرے گی، وزیراعظم
