حکومت نے اسحاق ڈار کو پاسپورٹ جاری کر دیا، جلد وطن واپسی کا امکان

لندن :حکومت نے سابق وزیر خزانہ اسحاق ڈار کو پاسپورٹ جاری کر دیا، اسحاق ڈارنے پاسپورٹ ملنے کی تصدیق کردی۔

اس سے قبل پاکستان مسلم لیگ کے قائدوسابق وزیراعظم نواز شریف کو بھی شہباز شریف حکومت نے پاسپورٹ جاری کیا تھا۔

نواز شریف کو عام کیٹیگری کا پاکستانی پاسپورٹ جاری کر دیا گیا جو 10 سال تک کارآمد ہے۔

یاد رہے کہ وزیراعظم شہباز شریف نے نوازشریف اور اسحاق ڈار کے پاسپورٹ کی تجدید کے احکامات جاری کیے تھے۔

مزید پڑھیں:سابق وزیراعظم نواز شریف کو پاسپورٹ جاری کردیا گیا، کسی بھی وقت واپس آسکتے ہیں

سابق وزیر اعظم نواز شریف اور سابق وزیر خزانہ اسحاق ڈار نے وطن واپسی کا فیصلہ کرلیا تھا اور اس حوالے سے انہوں نے شہباز شریف کے وزیراعظم بنتے ہی تیاریاں شروع کر دی تھیں ۔

وزیراعظم شہباز شریف نے مسلم لیگ (ن) کے قائد نوازشریف اور سینئر لیگی رہنما اسحاق ڈار کے پاسپورٹ کی تجدید کرنے کے احکامات جاری کردیے تھے۔

سابق وزیر خزانہ اسحاق ڈار پاسپورٹ کے اجراء کے بعد سعودی عرب میں عمرہ ادا کرنے کے بعد پاکستان واپس آئیں گے۔