گوگل نیوز پر ہمیں فالو کریںاسلام آباد :حکومت نے جمعہ کو جناح انٹرنیشنل ایئر پورٹ کے قریب لینڈنگ سے قبل پاکستان انٹرنیشنل ایئر لائن کے مسافر طیارے کے حادثے کی تحقیقات کے لئے چار رکنی کمیٹی تشکیل دیدی ہے۔
کابینہ سیکریٹریٹ ایوی ایشن ڈویژن کے جاری کردہ نوٹیفکیشن کے مطابق چار رکنی کمیٹی کی سربراہی ائیر کموڈور عثمان غنی کریں گے اور اس میں ونگ کمانڈر ملک محمد عمران ، گروپ کیپٹن توقیر اور جوائنٹ ڈائریکٹر ایئرٹریفک کنٹرول ناصر مجید شامل ہوں گے۔
تحقیقاتی ٹیم فوری طور پر وزارت ہوا بازی کو حادثے کی تفصیلات سے آگاہ کرے گی جبکہ ایک ماہ کے اندر اس کی تفصیلی رپورٹ پیش کی جائے گی۔
واضح رہے کہ گزشتہ روز کراچی میں پی آئی اے کا طیارہ رہائشی علاقے میں گر کر تباہ ہوگیا تھا، قرب و جوار کے رہائشیوں نے بتایا کہ حادثے کے وقت ان کے گھروں کی دیواریں لرز اٹھیں۔
مزید پڑھیں:پی آئی اے کے تباہ شدہ طیارے کا اہم حصہ کوئیک ایکسِس مل گیا
