گوگل نیوز پر ہمیں فالو کریںاسلام آباد: وفاقی حکومت نے اعلان کیا ہے کہ وہ اتوار کو پیپلز پارٹی کے چیئرمین بلاول بھٹو زرداری کی قیادت میں کراچی سے شروع ہونے والے پاکستان پیپلز پارٹی (پی پی پی) کے اسلام آباد تک لانگ مارچ میں کوئی رکاوٹ نہیں ڈالے گی۔
وزیر داخلہ شیخ رشید احمد نے پریس کانفرنس سے خطاب کرتے ہوئے کہا کہ ہر کسی کو احتجاج کرنے کا حق ہے۔وہ 10 دن میں اسلام آباد آرہے ہیں، یہ صرف 10 دن کا ڈرامہ ہے، ایک دن گزر گیا اور صرف 9 رہ گئے۔
انہوں نے کہا کہ میں نے لانگ مارچ کے حوالے سے وزیراعلیٰ پنجاب سے بات کی ہے اور ہم نے فیصلہ کیا ہے کہ اس میں کوئی رکاوٹ نہیں ڈالیں گے، بلکہ ان سے تعاون کریں گے، انہوں نے مزید کہا کہ لانگ مارچ عوام کے لیے مسائل پیدا کر رہا ہے۔
اپوزیشن جماعتوں کی جانب سے وزیراعظم عمران خان کے خلاف تحریک عدم اعتماد پر تنقید کرتے ہوئے شیخ رشید نے کہا کہ اپوزیشن جماعتوں کا ایک دوسرے پر اعتماد نہ ہونے کی وجہ سے اس اقدام میں تعطل پیدا ہوگیا تھا۔
وفاقی وزیر داخلہ شیخ رشید نے مزید کہا کہ حکومت کو اپنے اتحادیوں پر مکمل اعتماد ہے جس کی وجہ سے اپوزیشن کو ناکامی کا سامنا کرنا پڑے گا۔
مزید پڑھیں: پاکستان کسی بھی جارحیت کا منہ توڑ جواب دینے کیلئے تیارہے۔وزیرخارجہ
