حکومت کاچینی کمپنی ’سائینو فارم‘ سے 10ملین کورونا ویکسین لینے کا فیصلہ

اسلام آباد: وفاقی حکومت کی جانب سے چینی کمپنی ’سائینو فارم‘ سے کورونا ویکسین لینے کا فیصلہ کرلیاگیا ہے۔ چینی کمپنی سے کورونا ویکسین لینے کا فیصلہ بروقت دستیابی یقینی بنانے کے لیے کیا گیا ہے۔

وفاقی حکومت کی جانب سے یہ فیصلہ کیا گیا ہے کہ 2021 کی پہلی سہ ماہی میں تمام فرنٹ لائن ہیلتھ ورکرز کو کورونا ویکسین مفت فراہم کی جائے گی، تاکہ وہ اس وباء سے محفوظ رہ سکیں۔

Held meeting of cabinet committee for procurement of vaccines. Authorized procurement of more than 1 million vaccines which will cover all frontline health workers, as soon as DRAP expert committee approves vaccine. Target is to deploy these vaccines within 1st quarter of 2021.

— Asad Umar (@Asad_Umar) December 30, 2020

اس حوالے سے وفاقی وزیر اسد عمر کی زیر صدارت کورونا ویکسین کی خریداری کیلئے کابینہ کمیٹی کاخصوصی اجلاس منعقد کیا گیا، جس میں بروقت دستیابی یقینی بنانے کیلئے چینی کمپنی’سائینوفارم‘ سے کورونا ویکسین کی بکنگ کا فیصلہ کیا گیا۔

وفاقی وزیر اسد عمر کی زیر صدارت اجلاس میں وفاقی وزراء فواد چودھری، حماد اظہر، معاونین خصوصی ڈاکٹرثانیہ نشتر اور ڈاکٹر فیصل سلطان بھی شریک ہوئے۔جس میں موجودہ وبائی صورتحال اور ویکسین سے متعلق گفتگو کی گئی۔

اجلاس کو دی گئی بریفنگ میں بتایا گیا کہ متعدد ممالک نے ابتدائی یا نامکمل نتائج پر مبنی کووڈ19ویکسین پہلے سے بک کروائی ہے۔اجلاس میں کووڈ 19 ویکسینز کی مجموعی صورتحال کا جائزہ لیا گیا۔حکومت کی جانب سے ابتدائی طور پر ایک ملین سے زائد ویکسین حاصل کی جائیں گی۔