گوگل نیوز پر ہمیں فالو کریںکراچی:گورنر سندھ عمران اسماعیل نے وزیرِ اعظم عمران خان کے سرسبز و شاداب اور صاف ستھرے پاکستان کیلئے شجر کاری مہم کا افتتاح کرنے کا فیصلہ کیا ہے۔
سماجی رابطے کی ویب سائٹ ٹوئٹر پر اپنے پیغام میں گورنر سندھ عمران اسماعیل نے کہا کہ اگر آپ ایک درخت لگاتے ہیں، آپ دراصل ایک زندگی کو پروان چڑھاتے ہیں۔ آئیے وزیرِ اعظم عمران خان کے سرسبز و شاداب اور صاف ستھرے پاکستان اقدام کا حصہ بنیں اور اپنے سیارے (زمین) کی حفاظت کریں۔
پیغام میں گورنر سندھ عمران اسماعیل نے کہا کہ آج میں سرسبز و شاداب پاکستان کیلئے شجر کاری مہم کا ٹائیگر فورس کے ہمراہ افتتاح کروں گا جو 10 ارب درخت لگانے کے وزیرِ اعظم کے پروگرام کا حصہ ہے۔
If you plant a tree, you plant a life! Let's participate in PM's @ImranKhanPTI Clean and Green Pakistan initiative and save our planet. I will be launching the drive along with Tiger Force today inshallah. #10BillionTreeTsunami pic.twitter.com/kuNrLe3tRr
— Imran Ismail (@ImranIsmailPTI) August 9, 2020
یاد رہے کہ اِس سے قبل وزیرِ اعظم کے معاونِ خصوصی برائے امورِ جوانان عثمان ڈار نے اپوزیشن رہنماؤں سے مطالبہ کیا کہ سب سے بڑی شجر کاری مہم میں وزیرِ اعظم عمران خان کا ساتھ دیں۔
ٹوئٹر پر اپنے پیغام میں معاونِ خصوصی عثمان ڈار نے کہا کہ آج پاکستان کی بہتری اور آنے والی نسلوں کی سلامتی کیلئے وزیرِ اعظم عمران خان ٹائیگر فورس کے ساتھ مل کر ملکی تاریخ کی سب سے بڑی شجر کاری مہم شروع کر رہے ہیں۔
مزید پڑھیں: اپوزیشن وزیرِ اعظم کا ساتھ دے۔عثمان ڈار کا مطالبہ
