گوگل نیوز پر ہمیں فالو کریںاسلام آباد: وفاقی وزیر برائے انسانی حقوق ڈاکٹر شیریں مزاری نے کہا ہے کہ حکومت پاکستانی بچیوں کو لڑکوں کے مقابلے میں مساوی حقوق اور محفوظ مستقبل دینا چاہتی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ انسانی حقوق شیریں مزاری نے کہا کہ آج کمسن بچیوں کا عالمی دن منایا جارہا ہے جس کا موضوع رواں برس میری آواز اور ہمارا یکساں مستقبل رکھا گیا ہے۔
پیغام میں وفاقی وزیر شیریں مزاری نے کہا کہ ہم اپنی بچیوں کو محفوظ اور یکساں مواقع پر مشتمل ماحول دینا چاہتے ہیں جس میں ہماری بچیاں پھل پھول سکیں اور پاکستان ایک نیا مستقبل حاصل کرسکے۔
وزیرِ انسانی حقوق شیریں مزاری نے کہا کہ بچیوں کا مستقبل محفوظ کرکے ہی پاکستان سب کیلئے ایک روشن اور خوشحال مستقبل کی طرف بڑھ سکتا ہے جس کیلئے آگے کا راستہ مشکل اور چیلنجز بہت سے ہیں لیکن حکومت پر عزم ہے۔
International Day of the Girl Child – this yr's theme: "My voice, our equal future". Giving our girls a safe & equitable environment to grow & flourish will move Pak forward towards a brighter, prosperous future for all. Difficult road ahead; many challenges but we are determined
— Shireen Mazari (@ShireenMazari1) October 11, 2020
یاد رہے کہ وطنِ عزیز پاکستان سمیت دُنیا بھر میں کمسن لڑکیوں کا عالمی دن آج منایا جارہا ہے جس کا مقصد عالمی برادری کی توجہ مردوزن کے مساوی حقوق کے خواب کی طرف دلانا ہے۔
اقوامِ متحدہ کے تحت ہر سال 11 اکتوبر کے روز کمسن بچیوں کا عالمی دن منایا جاتا ہے جبکہ اقوامِ متحدہ کی جنرل اسمبلی میں 19 دسمبر سن 2011ء کے روز کمسن لڑکیوں کا عالمی دن منانے کی قرارداد منظور ہوئی۔
مزید پڑھیں: دُنیا بھر میں کمسن لڑکیوں کا عالمی دن آج منایا جارہا ہے
