وفاقی حکومت نے پاکستان تحریک انصاف (پی ٹی آئی) کے لانگ مارچ کے خلاف سپریم کورٹ میں رٹ دائر کرنے کا فیصلہ کرلیا۔

ذرائع کے مطابق حکومت علی امین گنڈا پور کی مبینہ آڈیو لیک کی بنیاد پر سپریم کورٹ میں رٹ دائر کرے گی، مبینہ آڈیو لیک کے مطابق لانگ مارچ میں اسلحہ بردار لائے جا رہے ہیں جس سے خون خرابےکا خدشہ ہے۔

ذرائع نے بتایا کہ پی ٹی آئی کے لانگ مارچ اور اس مبینہ سازش کو درخواست کا حصہ بنایا جائے گا جب کہ لانگ مارچ کے دوران گڑ بڑ کے حوالے سے ثبوت سپریم کورٹ میں پیش کئے جائیں گے۔

یہ بھی پڑھیں:

خیال رہے کہ وفاقی وزیر داخلہ رانا ثنا اللہ نے آج اسلام آباد میں پریس کانفرنس کے دوران سابق وفاقی وزیرت اور رہنما پی ٹی آئی علی امین گنڈا پور کی مبینہ آڈیو سنائی جس میں وہ مبینہ طور پر ایک شخص سے بندوقیں اور بندے لانے کا کہہ رہے ہیں۔