گوگل نیوز پر ہمیں فالو کریںکراچی: ملک میں سونے کی قیمتوں کو پر لگ گئے، آج بھی مقامی صرافہ مارکیٹ میں 24 قیراط سونے کی قیمت میں 1500روپے فی تولہ کا اضافہ ہوا جس کے باعث فی تولہ سونے کی قیمت 210,500 روپے ہوگئی۔
اعداد و شمار کے مطابق 10 گرام 24 قیراط سونے کی قیمت میں بھی 1286 روپے کا اضافہ ہوا اور اس کی قیمت 180,470 روپے جبکہ 10 گرام 22 قیراط سونے کی قیمت 165,431 روپے ریکارڈ کی گئی۔
بین الاقوامی مارکیٹ میں سونا 4 ڈالر کم ہو کر 1,924 ڈالر اور چاندی کی قیمت 23.66 ڈالر رہی۔
پیر کے روز، پاکستانی روپیہ انٹربینک میں امریکی ڈالر کے مقابلے میں مسلسل مندی کا شکار رہا، روپے کی قیمت میں مزید 7.03 روپے کی کمی، اور 269.63 روپے پر بند ہوا۔
مزید پڑھیں:اسٹاک مارکیٹ میں 579.26 پوائنٹس کی مندی
اسٹیٹ بینک آف پاکستان (SBP) کے مطابق، امریکی ڈالر کے مقابلے میں کرنسی 7.03 روپے یا 2.61 فیصد گر گئی۔
