ملک میں سونے کی قیمتوں میں کمی

ملک میں آج سونے کی قیمتوں میں کمی رجحان رہا، فی تولہ سونا 1900 روپے کمی سے 2 لاکھ 16 ہزار 100 روپے کا ہوگیا۔

ذرائع کے مطابق دس گرام سونا 1629 روپے کمی سے 1 لاکھ 85 ہزار 271 روپے کا ہوگیا، عالمی صرافہ بازار میں سونا 18 ڈالرز کمی سے 2047 فی اونس کی سطح تک آگیا۔

دوسری جانب پاکستان اسٹاک ایکسچینج میں کاروبار کا اختتام پر مندی کی صورتحال رہی، مارکیٹ 277 پوائنٹس کی کمی سے 64 ہزار 237 پوائنٹس پر بند ہوئی ۔

دن بھر مجموعی طور پر 356 کمپنیوں کے شیئرز میں کاروبار ہوا ۔ 103 کمپنیوں کے شیئرز کی قیمتوں میں اضافہ جبکہ 222 کے شیئرز میں کمی ہوئی ۔

مارکیٹ میں 47 کروڑ 49 لاکھ سے زائد شیئرز کی لین دین ہوئی ، اسٹاک مارکیٹ میں سرمایہ کاری کی مالیت 12 ارب 39 کروڑ سے زائد کی ہوگئی ۔

انٹر بینک میں ڈالر کی قیمت مزید کم، اسٹاک مارکیٹ میں استحکام

مارکیٹ کی بلند ترین سطح 65,069 جبکہ کم ترین سطح 64,183 پوائنٹس رہی ۔