گوگل نیوز پر ہمیں فالو کریںسونے کی عالمی اور مقامی مارکیٹوں میں قیمت میں آج ایک بار پھر اضافہ ہوگیا۔
بین الاقوامی بلین مارکیٹ میں فی اونس سونے کی قیمت میں 10ڈالر کا اضافہ ہونے سے نئی عالمی قیمت 2910 ڈالر کی سطح پر آگئی ہے۔
دوسری جانب مقامی صرافہ بازاروں میں آج منگل کے روز فی تولہ سونے کی قیمت میں ایک ہزار روپے کا اضافہ ہونے سے نئی قیمت 3 لاکھ 4 ہزار 200 روپے کی سطح پر آ گئی ہے۔
اسی طرح فی 10 گرام سونے کی قیمت بھی 857 روپے سے بڑھ کر 2لاکھ 60 ہزار 802 روپے کی سطح پر پہنچ گئی۔
یاد رہے کہ گزشتہ روز بھی عالمی مارکیٹ میں فی اونس سونے کی قیمت 17 ڈالر کے اضافے سے 2 ہزار 900 ڈالر کی سطح پر آ گئی تھی جبکہ مقامی مارکیٹ میں فی تولہ سونے کی قیمت ایک ہزار 700 روپے اور فی 10 گرام سونے کی قیمت میں ایک ہزار 458روپے کا اضافہ ریکارڈ ہوا تھا۔
