گلگت بلتستان میں باکسنگ کے پہلے بین الاقوامی ٹورنامنٹ کا آغاز

ہنزہ: گلگت بلتستان پاکستان کے شمال میں واقع قدرتی خوبصورتی سے مالامال پہاڑی علاقہ ہے جہاں خطے میں کھیلوں کو فروغ دینے کیلئے باکسنگ کے پہلے بین الاقوامی ٹورنامنٹ کا آغاز کیا جارہا ہے۔

تفصیلات کے مطابق تھائی لینڈ، انڈونیشیا، متحدہ عرب امارات، فلپائن، نائیجیریا، ملائشیا، افغانستان، کیمرون اور کوریا سمیت 10 ممالک کے ایتھلیٹس ہفتے کے روز گگت کے لالک جان اسٹیڈیم میں ہونے والے مقابلے میں حصہ لے رہے ہیں۔

افتتاحی سیشن میں ولڈ باکسنگ ایسوسی ایشن (ڈبلیو بی اے) کے ایشیا ویلٹر ویٹ چیمپین شپ کے مقابلے دیکھنے کیلئے سیکڑوں افراد کا ہجوم اسٹیڈیم میں امنڈ آیا۔ 2 روز بعد سوشل میڈیا پر اس کی ویڈیو بھی اپ لوڈ کردی گئی۔ 

https://twitter.com/bruva_k/status/1535720006431940613

پاکستانی باکسنگ چیمپین عثمان وزیر نے بین الاقوامی ٹورنامنٹ وطن میں لانے کیلئے مرکزی کردار ادا کیا ہے۔ اس سلسلے میں عثمان وزیر کو فورس کمانڈ ناردرن ایریاز کی سپورٹ حاصل رہی۔

عثمان وزیر نے باکسنگ کے ٹورنامنٹ کو پاکستان کی تاریخ کا سب سے بڑا باکسنگ ایونٹ قرار دیتے ہوئے بتایا کہ اس میں 3 ٹائٹل فائٹس لڑی جائیں گی جبکہ دیگر 7 باؤٹس عالمی درجہ بندی کے مقابلے ہیں۔

عثمان وزیر نے ورلڈ باکسنگ ایسوسی ایشن ایشیا ویٹ ٹائٹل اپنے نام کر لیا۔ انہوں نے تھائی لینڈ کے حریف باکسر کو ناک آؤٹ کردیا۔ صدرِ مملکت ڈاکٹر عارف علوی کا کہنا ہے کہ پاکستان کے نوجوان کھیلوں میں باصلاحیت ہیں۔