گوگل نیوز پر ہمیں فالو کریںڈسکہ میں این اے 75 ضمنی انتخاب کے دوران فائرنگ سے جاں بحق پاکستان تحریکِ انصاف کے کارکن ماجد کی نمازِ جنازہ ادا کردی گئی ہے۔
سماجی رابطے کی ویب سائٹ ٹوئٹر پر اپنے پیغام میں ڈسکہ این اے 75 کے ضمنی انتخاب کے پی ٹی آئی امیدوار علی اسجد ملہی نے کہا کہ کل ڈسکہ انتخاب کے دن مسلم لیگ (ن) کی طرف سے کی گئی فائرنگ سے شہید پی ٹی آئی کے سرگرم کارکن ماجد کی نمازِ جنازہ میں شریک ہوا۔
علی اسجد ملہی نے کہا کہ میری پوری جماعت اور میں دکھ اور غم کی اِس گھڑی میں ماجد کے لواحقین کے ساتھ کھڑے ہیں۔ علی اسجد ملہی نے نمازِ جنازہ کی تصاویر بھی شیئر کیں۔
https://twitter.com/AliAsjadMalhi/status/1363066794878107651
یاد رہے کہ اِس سے قبل ڈسکہ میں پانچ مقامات پر قائم پولنگ اسٹیشنز کے قریب حالات انتہائی کشیدگی اختیار کرگئے، نا معلوم افراد کی فائرنگ سے 2 افراد جاں بحق جبکہ 2 زخمی ہوگئے، ووٹرز میں خوف و ہراس پھیل گیا۔
گزشتہ روز ڈسکہ میں نامعلوم افراد کی جانب سے بھاری اسلحے کا بے دریغ استعمال کیا گیا۔ دھڑلے سے فائرنگ کی اور رفو چکر ہو گئے۔ نواحی گاؤں گوئندکے میں پولنگ اسٹیشن پر فائرنگ ہوئی۔
مزید پڑھیں: ڈسکہ: 5 پولنگ اسٹیشنوں کے حالات کشیدہ، فائرنگ سے 2 افراد جاں بحق
