عمران خان کا آفیشل انسٹاگرام اکاؤنٹ ہیک کر لیا گیا

اسلام آباد: سابق وزیراعظم اور چیئرمین پاکستان تحریک انصاف کا آفیشل انسٹاگرام اکاؤنٹ مبینہ طور پر ہیک کر لیا گیا ہے۔ اکاؤنٹ میں 13,000 سے زیادہ پوسٹس اور 7.4 ملین فالورز ہیں۔

تفصیلات کے مطابق اسپیس ایکس اور ٹیسلا کے بانی ایلون مسک کی ٹویٹ کا اسکرین شاٹ سابق وزیراعظم کے اکاؤنٹ سے شیئر کیا گیا ہے۔

اس حوالے سے پی ٹی آئی نے تاحال کوئی باضابطہ ردعمل جاری نہیں کیا۔ دریں اثنا، عمران خان کے چاہنے والوں کو مشورہ دیا گیا ہے کہ وہ کسی بھی غیر اخلاقی پوسٹ کے ساتھ بات چیت نہ کریں۔

ایلون مسک کی اسی ٹویٹ کا اسکرین شاٹ عمران خان کے آفیشل اکاؤنٹ سے آن اور آف شیئر کیا جا رہا ہے۔ ایک ہفتے میں یہ دوسرا واقعہ ہے کہ پی ٹی آئی کے کسی اہم رہنما کا سوشل میڈیا اکاؤنٹ ہیک کیا گیا ہے۔

مزید پڑھیں:شاہد خاقان عباسی کے اکاؤنٹ میں بھارتی کمپنی سے پیسے آئے، شہباز گل

گزشتہ ہفتے پی ٹی آئی کے سیکرٹری جنرل اور سابق وفاقی وزیر منصوبہ بندی اسد عمر کا ٹوئٹر اکاؤنٹ ہیک کر لیا گیا تھا۔ کئی گھنٹوں کے بعد اکاؤنٹ ریکور کیا گیا تھا۔