گوگل نیوز پر ہمیں فالو کریںسندھ اور پنجاب کے مختلف علاقوں میں دھند کا راج برقرار ہے، موٹر وے کو مختلف مقامات پر بند کردیا گیا جبکہ 26 پروازیں منسوخ کردی گئیں۔
تفصیلات کے مطابق ملک کے میدانی علاقوں میں شدید دھند کے باعث پاکستان کا فلائٹ آپریشن مسلسل تیسرے روز متاثر ہے۔ گزشتہ 3 روز میں 89 پروازیں منسوخ کردی گئیں۔
[visual-link-preview encoded=”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″]
لاہور سیالکوٹ کا موسم ٹھیک ہونے کے بعد عالمی پروازوں کو گرین سگنل ملنے کی توقع ہے۔ ایوی ایشن حکام کا کہنا ہے کہ عالمی پروازیں روانگی کا انتظار کررہی ہیں۔
سیالکوٹ ائیرپورٹ پر صبح ساڑھے 8 بجے تک کوئی پرواز لینڈ کرنے میں کامیاب نہ ہوسکی۔ دمام سے سیالکوٹ آنے والی پرواز پی کے 244 اسلام آباد میں اتار لی گئی۔
دمام سے لاہور پہنچنے والی قومی ائیر لائن (پی آئی اے) کی پرواز نمبر پی کے 248 کو بھی وفاقی دارالحکومت میں اتار لیا گیا۔ کراچی اور لاہور کی پروازیں منسوخ ہوگئیں۔
جدہ سے سعودی ائیر کی پرواز نمبر ایس وی 738 نے لاہور کیلئے 12 گھنٹے تاخیر سے اڑان بھری۔ لاہور کے علاوہ ابوظہبی اور کوئٹہ کی پروازیں بھی منسوخ کی گئی ہیں۔
خیال رہے کہ اس سے قبل بھی ملک کے مختلف شہروں میں دھند چھاگئی۔ موٹر وے کو حدِ نگاہ کم ہونے کے باعث مختلف مقامات سے بند کردیا گیا۔
گزشتہ روز پنجاب، سندھ اور خیبر پختونخوا کے میدانی علاقے دھند کی لپیٹ میں آگئے، حدِ نگاہ کم ہونے کے باعث موٹر وے ایم ون کو پشاور سے رشکئی تک بند کردیا گیا۔
