وزیر خارجہ شاہ محمود قریشی کا پاکستان اور سنگاپور کے مابین دو طرفہ تعلقات کی نوعیت پر اظہار اطمینان

اسلام آباد: وزیر خارجہ شاہ محمود قریشی نے پاکستان اور سنگاپور کے مابین دو طرفہ تعلقات کی نوعیت پر اظہار اطمینان کرتے ہوئے کہا ہے کہ پاکستان اور سنگاپور کے مابین باہمی تعاون کو مزید بڑھانے کی ضرورت ہے۔

وزیر خارجہ مخدوم شاہ محمود قریشی نے سنگاپور میں پاکستانی ہائی کمیشن کا دورہ کیا ،سنگاپور میں تعینات پاکستانی ہائی کمشنر رخسانہ افضال اور پاکستانی سفارت خانے کے سینئر حکام نے وزیر خارجہ کا خیر مقدم کیا۔

سنگاپور میں تعینات پاکستانی ہائی کمشنر نے پاکستان اور سنگاپور پور کے درمیان دو طرفہ تعلقات کی نوعیت اور تجارت کے حجم میں اضافے سمیت، مختلف شعبہ جات میں دو طرفہ تعاون کے فروغ کے حوالے سے وزیر خارجہ کو مفصل بریفنگ دی۔

وزیر خارجہ نے پاکستان اور سنگاپور کے مابین دو طرفہ تعلقات کی نوعیت پر اظہار اطمینان کرتے ہوئے کہا کہ پاکستان اور سنگاپور کے مابین باہمی تعاون کو مزید بڑھانے کی ضرورت ہے۔

انہوںنے کہاکہ ٹیکنالوجی، تعمیرات، صنعت و زراعت سمیت کثیرالجہتی شعبہ جات میں دو طرفہ تعاون کو بڑھانے کیلئے اقدامات کرنا ہوں گے ۔ انہوںنے ہدایت کی کہ سنگاپور میں مقیم پاکستانیوں کی فلاح و بہبود اور ان کو درپیش مسائل کو ترجیحی بنیادوں پر حل کرنے کیلئے موثر اقدامات کیے جائیں۔