گوگل نیوز پر ہمیں فالو کریںانقرہ: ترکی کے شمالی علاقوں میں سیلاب نے پیمانے پر تباہی مچا دی ہے جس کے نتیجے میں 27 افراد جاں بحق ہو گئے، جبکہ درجنوں مکانات تباہ ہو گئے ہیں۔
بین الاقوامی میڈیا کی رپورٹ کے ترک صدر رجب طیب اردگان نے سیلاب سے متاثرہ اضلاع کو آفت زدہ قرار دے دیا۔
حکومتی بیان کے مطابق سیلاب سے درجنوں مکانات تباہ ہوگئے ہیں۔ ترک صدر سیلاب سے متاثرہ ضلع کاستامونو کی تحصیل بوزکرت پہنچ گئے۔
عرب میڈیا نے مزید بتایا کہ بحیرہ اسود سے متصل ترک اضلاع میں بارشوں سے سیلابی صورتحال پیدا ہوگئی ہے۔ سیلاب سے درجنوں رہائشی علاقے اور دیہات زیر آب آگئے۔
حکومتی اعلامیہ کے مطابق ترک صدر دورے کے دوران امدادی کاموں کی خود نگرانی کر رہے ہیں۔ ان کا کہنا ہے کہ حکومت سیلاب سے پہنچنے والے نقصانات کا ازالہ کرے گی۔
یہ بھی پڑھیں : گورنر اسٹیٹ بینک نے قومی ذخائر تاریخ کی بلند ترین سطح پر پہنچنے کا امکان ظاہر کردیا
