اسلام آباد: وزیرِ اعظم پاکستان عمران خان کی ہدایت پر بیرونِ ملک سے پاکستانیوں کو وطن واپس لانے کے لیے ائیر لائن کی پروازوں کی تعداد میں اضافہ کردیا گیا ہے۔
سماجی رابطے کی ویب سائٹ ٹوئٹر پر وزیرِ اعظم کے معاونِ خصوصی برائے سمندر پار پاکستانیز سیّد ذولفقار بخاری نے کہا کہ ہمارے ہم وطنوں کو پاکستان واپس لانے کے لیے فلائٹس میں وزیرِ اعظم کی ہدایت پر اضافہ کیا جا رہا ہے۔
وزیرِ اعظم کے معاونِ خصوصی زلفی بخاری نے کہا کہ وزیرِ اعظم نے ہدایت کی تھی کہ پروازوں کی تعداد میں اضافہ کیا جائے تاکہ زیادہ سے زیادہ عوام اس سہولت سے فائدہ اٹھا سکیں تاہم گنجائش میں اضافے کے باوجود ہماری درخواست ہے کہ بلا ضرورت سفر سے گریز کیا جائے۔
معاونِ خصوصی زلفی بخاری نے کہا کہ میری سمندر پار پاکستانیوں سے گزارش ہے کہ اگر آپ غیر ضروری سفر سے اجتناب برتیں گے تو وطن واپسی کے لیے حقدار اور مستحق افراد اس سہولت سے زیادہ سے زیادہ مستفید ہوں گے۔
Flights to bring our ppl back ‘ve been increased as per PM @ImranKhanPTI’s instrs to facilitate max no of ppl,✈️ to KSA are also added.
Even with increased capacity,I request #OverseasPakistanis to avoid unnecessary travel&let more deserving ppl get a chance to travel at priority pic.twitter.com/mEdFxy1fXF— Sayed Z Bukhari (@sayedzbukhari) April 25, 2020