گوگل نیوز پر ہمیں فالو کریںکراچی: جناح پوسٹ گریجویٹ میڈیکل سینٹر کی تاریخ میں پہلی بار روبوٹک سرجری کا آغاز ہوگیا۔
ترجمان جے پی ایم سی کے مطابق جناح اسپتال کراچی کی تاریخ میں پہلی بار روبوٹک سرجری کا آغاز کردیا گیا، پہلی سرجری 34 سالہ شخص کی کی گئی، آپریشن میں اسپتال کے ڈائریکٹر پروفیسر شاہد رسول سمیت 14 ماہرین شریک ہوئے۔
First Robotic surgery performed at JPMC By Prof Dr shahid rasool Executive Director JPMC .#SindhGovt@BBhuttoZardari @AseefaBZ @Bhuttoiest #PPPDigitalKPK #PPPDigital #KarachiWorks pic.twitter.com/ArIdQqk6Wx
— Dr Aajid Hussain (@aajid_hussain9) October 3, 2023
ڈائریکٹر جناح اسپتال پروفیسر شاہد رسول نے کہا کہ پہلے مریض کے پتے کا کامیاب آپریشن کیا گیا ہے، روبوٹک مشین کے ذریعے 25 منٹ میں یہ آپریشن کیا گیا۔
پروفیسر شاہد رسول کا کہنا ہے کہ آج سے روزانہ کی بنیادوں پر 2 سے زائد آپریشن ہوں گے، اسپتال کے یورولوجی اور گائنی سمیت دیگر وارڈوں کے ضرورت مند مریضوں کا مفت آپریشن جاری رہے گا۔
انہوں نے بتایا کہ روبوٹک سرجری کے لیے کسی بھی ایک مریض پر لاکھوں روپے کے اخراجات آتے ہیں، تاہم جناح اسپتال میں مفت کی جانے والی روبوٹک سرجری کے نتیجے میں تمام مستحق مریضوں کو یہ سہولت مفت حاصل ہوگی۔
