گوگل نیوز پر ہمیں فالو کریںفخر زمان کی شاندار سنچری کی بدولت پاکستان نے 5 ون ڈے میچز کی سیریز کے پہلے میچ میں نیوزی لینڈ کو 5 وکٹوں سے شکست دیدی۔
پاکستان اور نیوزی لینڈ کے درمیان ہونے والی سیریز کا پہلا ون ڈے آج پنڈی کرکٹ اسٹیڈیم میں کھیلا گیا جس میں قومی ٹیم کے کپتان بابر اعظم نے ٹاس جیت کر پہلے فیلڈنگ کرنے کا فیصلہ کیا۔
مہمان ٹیم نے مقررہ 50 اوورز میں 7 وکٹوں کے نقصان پر 288 رنز بنائے، ول ینگ اور ڈیرل مچل نے اچھا کھیل پیش کیا، ڈیرل مچل نے 113 رنز کی شاندار اننگز کھیلی جبکہ ول ینگ نے بھی 86 رنز اسکور کیے۔
قومی ٹیم کی جانب سے شاہین شاہ آفریدی، نسیم شاہ اور حارث رؤف نے دو دو کھلاڑیوں کو پویلین کی راہ دکھائی، جبکہ ایک وکٹ شاداب خان کے حصے میں آئی۔
پاکستان کی جانب سے نیوزی لینڈ کی جانب سے دیئے گئے ہدف کے تعاقب میں اننگز کا آغاز فخر زمان اور امام الحق نے کیا اور دونوں کھلاڑیوں نے اپنی ٹیم کو 124 رنز کا شاندار آغاز فراہم کیا۔
مزید پڑھیں:پہلا ون ڈے: نیوزی لینڈ کا جیت کیلئے پاکستان کو 289 رنز کا ہدف
امام الحق 60 رنز بنا کرپویلین لوٹ گئے، کپتان بابر اعظم نے بھی 49 رنز کی اننگز کھیلی، شان مسعود ایک جبکہ آغا سلمان 7 رنز بنا کر آؤٹ ہوئے۔ محمد رضوان نے 42 رنز کی ناقابل شکست اننگز کھیلی جبکہ محمد نواز 8 رنز بنا کر ناٹ آؤٹ رہے۔
