گوگل نیوز پر ہمیں فالو کریںخرطوم: سوڈان میں شہریوں کے انخلاء کے لیے جانے والے طیارے پر فائرنگ کی گئی۔
بین الاقوامی میڈیا کے مطابق سوڈان میں پھنسے شہریوں کو لے جانے کیلئے آنے والے ترک طیاروں پر فائرنگ کی گئی تاہم فائرنگ کے نتیجے میں کوئی جانی نقصان نہیں ہوا۔
سوڈانی حکام کے مطابق ترک طیارے پر لینڈنگ کے دوران فائرنگ کی گئی۔ طیارے کو بحفاظت وادی سیدنا میں اتار لیا گیا۔ فائرنگ کا واقعہ دارالحکومت خرطوم کے نواحی علاقے میں پیش آیا۔
پہلے مشن کی ناکامی کے بعد امارات کا دوسرا چاند مشن بھیجنے کا اعلان
ترکی کی وزارت دفاع نے سوڈان میں ترک شہریوں کے انخلاء کیلئے جانے والے طیارے پر فائرنگ کے واقعے کی تصدیق کرتے ہوئے کہا کہ سوڈان کے مختلف شہروں میں پھنسے ترک شہریوں کے بحفاظت انخلاء کیلئے کوششیں جاری رکھی جائیں گی۔
دوسری جانب سوڈانی فوج اور باغیوں نے ترک طیارے پر فائرنگ کرنے کا الزام ایک دوسرے پر عائد کیا ہے۔
