گوگل نیوز پر ہمیں فالو کریںکراچی کے علاقے تین ہٹی پل کے نیچے جھگیوں میں آگ لگ گئی جس کے نتیجے میں 60 جھگیاں سامان سمیت جل کر خاکستر ہوگئیں۔
تفصیلات کے مطابق فائر بریگیڈ کو گزشتہ روز شام 6 بجے تین ہٹی پل کے نیچے قائم جھگیوں میں آتشزدگی کی اطلاع دی گئی۔ حکام کا کہنا ہے کہ فائر ٹینڈرز کو بر وقت روانہ کیا گیا جنہوں نے 2 گھنٹے تک آگ بجھانے کیلئے جدوجہد کی۔
[visual-link-preview encoded=”eyJ0eXBlIjoiaW50ZXJuYWwiLCJwb3N0IjoxODUwNDcsInBvc3RfbGFiZWwiOiJQb3N0IDE4NTA0NyAtINm+24wg2bnbjCDYp9uSINmG25Ig2LrbjNixINmC2KfZhtmI2YYg2LPZhdiyINqp25Ig2K7ZhNin2YEg2qnYsduM2qkg2ojYp9ik2YYg2KrbjNiyINqp2LHYr9uM2KciLCJ1cmwiOiIiLCJpbWFnZV9pZCI6MTg1MDQ4LCJpbWFnZV91cmwiOiJodHRwczovL21tbmV3cy50di91cmR1L3dwLWNvbnRlbnQvdXBsb2Fkcy8yMDI0LzAxL1BUQS0zMDB4MjUwLmpwZyIsInRpdGxlIjoi2b7bjCDZuduMINin25Ig2YbbkiDYutuM2LEg2YLYp9mG2YjZhiDYs9mF2LIg2qnbkiDYrtmE2KfZgSDaqdix24zaqSDaiNin2KTZhiDYqtuM2LIg2qnYsdiv24zYpyIsInN1bW1hcnkiOiLYp9iz2YTYp9mFINii2KjYp9ivOiDZvtin2qnYs9iq2KfZhiDZuduM2YTbjCDaqdmF24zZiNmG24zaqduM2LTZhiDYp9iq2r7Yp9ix2bnbjCAo2b7bjCDZuduMINin25IpINiy2YjZhtmEINii2YHYsyDZhNin24HZiNixINmG25Ig2YHbjNqI2LHZhCDYp9mG2YjbjNiz2bnbjCDar9uM2LTZhiDYp9uM2KzZhtiz24wgKNin24zZgSDYotim24wg2Kfbkikg2LPYp9im2KjYsSDaqdix2KfYptmFINiz2LHaqdmEINqp25Ig2LPYp9iq2r4g2YXZhCDaqdixINi024zYrtmI2b7ZiNix24Eg2YXbjNq6INmF2YjYqNin2KbZhCDZgdmI2YYg2qnZhdm+2YbbjCDaqduMINmB2LHZhtqG2KfYptiyINqp25Ig2K7ZhNin2YEg2qnYp9mF24zYp9io24wg2LPbkiDahtq+2KfZvtuBINmF2KfYsdinINis2LMg2qnYpyDZhdmC2LXYryDYutuM2LEg2YLYp9mG2YjZhtuMINiz2YUg2qnYp9ix2ojYsiDaqduSINi62YTYtyDYp9iz2KrYudmF2KfZhCDaqdmIINix2YjaqdmG2Kcg2Kravtin25QgIiwidGVtcGxhdGUiOiJzcG90bGlnaHQifQ==”]
آگ پر قابو پالیا گیا ہے جس کے بعد کولنگ کا عمل جاری ہے۔ پولیس اور رینجرز کی بھاری نفری نے جائے وقوعہ پر پہنچ کر متاثرہ علاقے کو گھیرے میں لے لیا اور امدادی کارروائیوں میں بھی ہاتھ بٹایا۔ متاثرہ علاقے میں 200 سے زائد جھگیاں موجود ہیں۔
آگ بجھانے کے عمل میں مجموعی طور پر 9فائر ٹینڈرز شریک ہوئے، پل کے نیچے قائم جھگیوں تک پہنچنے میں فائر بریگیڈ کی گاڑیوں کو مشکلات درپیش رہیں۔ علاقہ مکینوں کا کہنا ہے کہ جان بوجھ کر آگ لگائی گئی ہے جبکہ جھگیوں میں یہ آتشزدگی کا پہلا واقعہ نہیں۔
آگ لگنے کی وجوہات تاحال معلوم نہیں ہوسکیں۔ حکام کا کہنا ہے کہ آتشزدگی کی وجوہات پر تحقیق جاری ہے۔ ایس ایچ او سپر مارکیٹ تھانہ کا کہنا ہے کہ آگ لگنے کے نتیجے میں جل جانے والی جھگیوں کی تعداد 60 کے لگ بھگ ہے جن کا تمام سامان جل چکا ہے۔
