گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے چیئرمین پیپلز پارٹی بلاول بھٹو زرداری کو جواب دیتے ہوئے کہا ہے کہ قوم کو لوٹنے والے عوام کی نظروں سے گر گئے ہیں۔
سماجی رابطے کی ویب سائٹ ٹوئٹر پر بلاول بھٹو زرداری کو مخاطب کرتے ہوئے فردوس عاشق اعوان نے کہا کہ پاکستان کے عوام باشعور ہیں۔ اپوزیشن کی اصلیت اور نیت دونوں سے عوام بخوبی آگاہ ہیں۔
اپنے پیغام میں فردوس عاشق اعوان نے کہا کہ قوم کو لوٹ کر مال بنانے والوں کو عوام نے نظروں سے گرایا اور عمران خان کو دہائیوں سے قوم پر مسلط 2 خاندانوں کے استحصالی راج سے نجات کا ذریعہ بنایا۔
بلاول صاحب! پاکستان کے عوام باشعور ہیں۔ اپوزیشن کی اصلیت اور نیت دونوں سے عوام بخوبی آگاہ ہیں۔قوم کو لوٹ کر مال بنانے والوں کو عوام نے نظروں سے گرایا اور عمران خان کو دہائیوں سے قوم پر مسلط دوخاندانوں کے استحصالی راج سے نجات کا ذریعہ بنایا۔
— Dr. Firdous Ashiq Awan (@Dr_FirdousAwan) February 20, 2020
معاونِ خصوصی اطلاعات فردوس عاشق اعوان نے کہا کہ وزیراعظم عمران خان کا عوام کے ساتھ احساس اور درد کا رشتہ ہے۔ وہ ماضی کی حکومتوں کے عوام کو دیے گئے زخموں پر مرہم رکھ رہےہیں۔
وزیراعظم عمران خان کا عوام کے ساتھ احساس اور درد کا رشتہ ہے۔ وہ ماضی کی حکومتوں کے عوام کو دیے گئے زخموں پر مرہم رکھ رہےہیں۔
— Dr. Firdous Ashiq Awan (@Dr_FirdousAwan) February 20, 2020
ڈاکٹر فردوس عاشق اعوان نے کہا کہ آپ نے بس چلانا ہے تودو خاندانوں سے لوٹی ہوئی قوم کی دولت واپس دلوادیں۔ان کے خلاف تحریک چلائیں، پوری قوم آپ کا ساتھ دے گی۔
فردوس عاشق اعوان نے کہا کہ عوام کابس چلے توتھرکے معصوم بچوں کے قاتلوں کوعبرت کانشان بنادیں۔عوام کابس چلے توان کا مستقبل ان سے چھین لینے والوں کولوہے کازیور پہنائیں۔
بلاول صاحب!آپ نے بس چلانا ہے تودو خاندانوں سے لوٹی ہوئی قوم کی دولت واپس دلوادیں۔ان کے خلاف تحریک چلائیں پوری قوم آپ کا ساتھ دے گی۔بلاول صاحب عوام کابس چلے توتھرکے معصوم بچوں کے قاتلوں کوعبرت کانشان بنادیں۔عوام کابس چلے توان کا مستقبل ان سے چھین لینے والوں کولوہے کازیور پہنائیں۔ pic.twitter.com/MaPaKg4Inq
— Dr. Firdous Ashiq Awan (@Dr_FirdousAwan) February 20, 2020
انہوں نے مسلم لیگ (ن) رہنماؤں سے کہا کہ قوم کو وہ وقت نہیں بھولا جب عوام شیر آٹا کھا گیا کے نعرے لگاتے تھے۔سارے پاکستان کو معلو م ہے کہ اس وقت آٹا،چینی ،گھی اور خاص کر کے مرغیوں پر کس کا کنٹرول تھا ۔
ن لیگیوں سے کہتی ہوں کہ قوم کو وہ وقت نہیں بھولا جب عوام "شیر آٹا کھا گیا کے نعرے لگاتے تھے" ۔سارے پاکستان کو معلو م ہے کہ اس وقت آٹا،چینی ،گھی اور خاص کر کے مرغیوں پر کس کا کنٹرول تھا ۔
— Dr. Firdous Ashiq Awan (@Dr_FirdousAwan) February 20, 2020
یاد رہے کہ اس سے قبل چیئرمین پیپلزپارٹی بلاول بھٹو زرداری نے کہا کہ معاشی حالات، انسانی جمہوری حقوق پر قدغن اور میڈیا پر پابندیوں کے بعد میں میں تو چاہوں گا کہ موقع ملتے ہی حکومت گرا دوں۔
لاہور میں گزشتہ روز میڈیا نمائندگان سے غیر رسمی بات چیت کرتے ہوئے بلاول بھٹو زرداری نے کہا کہ آئینی، جمہوری اور قانونی طریقے سے حکومت ہٹانا چاہتا ہوں، بتائیے حکومت گرانے کے طریقے کتنے ہیں؟
مزید پڑھیں: حکومت ہٹانا چاہتا ہوں۔ بلاول بھٹو زرداری کی معصومانہ خواہش
