گوگل نیوز پر ہمیں فالو کریںلاہور: وزیر اعلیٰ پنجاب کی معاونِ خصوصی برائے اطلاعات و نشریات فردوس عاشق اعوان نے کہا ہے کہ پی ٹی آئی حکومت پنجاب کے ہر ضلعے میں یونیورسٹی تعمیر کرے گی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ پنجاب میں 21 نئی یونیورسٹیوں کا قیام عمل میں لایا جارہا ہے۔
پیغام میں معاونِ خصوصی فردوس عاشق اعوان نے کہا کہ 7 یونیورسٹیاں انتہائی پسماندہ علاقوں میں بنائی جارہی ہیں جس سے پسماندہ علاقے بھی علم کی روشنی سے منور ہوں گے۔
معاونِ خصوصی فردوس عاشق اعوان نے کہا کہ پنجاب کا چپہ چپہ ترقی و خوشحالی کا منظر پیش کرے گا۔ پی ٹی آئی حکومت پنجاب کے ہر ضلعے میں یونیورسٹی بنانے جارہی ہے۔
پنجاب میں 21 نئی یونیورسٹیوں کا قیام عمل میں لایا جارہا ہے۔7یونیورسٹیاں انتہائی پسماندہ علاقوں میں بنائی جارہی ہیں جس سے پسماندہ علاقے بھی علم کی روشنی سے منور ہونگے۔پنجاب کا چپہ چپہ ترقی و خوشحالی کا منظر پیش کرے گا۔پی ٹی آئی حکومت پنجاب کے ہر ضلع میں یونیورسٹی بنانے جا رہی ہے
— Dr. Firdous Ashiq Awan (@Dr_FirdousAwan) July 20, 2021
ڈاکٹر فردوس عاشق اعوان نے کہا کہ شوباز حکومت نے قوم کو زیرِ تعلیم سے محروم رکھنے کیلئے شعبۂ تعلیم کے ساتھ کھلواڑ کیا۔ پہلی بار یونیورسٹیز کے شعبے میں کام شروع ہوا ہے۔
فردوس عاشق اعوان نے کہا کہ پہلی بار وزیر اعظم عمران خان کے ویژن اور وزیر اعلیٰ عثمان بزدار کی قیادت میں حکومت عوام کو اعلیٰ تعلیم سے آراستہ کرنے کیلئے تیار ہے۔
انہوں نے گزشتہ حکومت پر تنقید کرتے ہوئے کہا کہ ن لیگی حکومت نے تو عوام کو تعلیم سے محروم رکھنے کیلئے اس شعبے کا استحصال کیا، تاہم موجودہ حکومت پنجاب بھر میں یونیورسٹیز کا جال بچھا رہی ہے۔
شوباز حکومت نے قوم کو زیور تعلیم سے محروم رکھنے کیلئے شعبہ تعلیم کیساتھ کھلواڑ کیا۔پہلی مرتبہ وزیراعظم عمران خان کے وژن اور وزیراعلی پنجاب سردار عثمان بزدار کی قیادت میں پنجاب حکومت قوم کو اعلی تعلیم سے آراستہ کرنے کیلئے پنجاب بھر میں یونیورسٹیوں کا جال بچھا رہی ہے۔
— Dr. Firdous Ashiq Awan (@Dr_FirdousAwan) July 20, 2021
خیال رہے کہ اِس سے قبل معاون خصوصی برائے اطلاعات ڈاکٹر فردوس عاشق اعوان نے کہا کہ پاکستان تحریک انصاف کی حکومت نے راولپنڈی رنگ روڈ کرپشن کو بے نقاب کرنے کا وعدہ پورا کردیا۔ وزیراعظم عمران خان کی ہدایت پر وزیراعلیٰ کے اقدامات سب کے سامنے ہیں۔
رنگ روڈ کرپشن اسکینڈل میں مزید گرفتاریوں پر6روز قبل گفتگو کرتے ہوئے فردوس عاشق اعوان کا کہنا تھا کہ محکمہ اینٹی کرپشن کی کارروائی کے نتیجے میں ہونے والی گرفتاریوں سے ثابت ہوگیا کہ پی ٹی آئی نے اپنا وعدہ پورا کردیا۔
مزید پڑھیں: رنگ روڈ میں گرفتاریوں سے پی ٹی آئی کا وعدہ پورا ہوگیا، فردوس عاشق
قبل ازیں معاون خصوصی برائے اطلاعات فردوس عاشق اعوان نے کہا کہ بلاول بھٹو زرداری جس فلم کو چلا کر آزاد کشمیر میں ہاتھ پاؤں مار رہے ہیں وہ فلاپ ہو چکی ہے۔
بلاول بھٹو کی آزاد کشمیر الیکشن کمپین پر تنقید کرتے ہوئے معاون خصوصی فردوس عاشق اعوان کا گزشتہ ماہ کہنا تھا کہ پنجاب اور سندھ کا موسم فی الحال گرم ہے۔ اس لیے بلاول بھٹو زرداری موسم کا لطف اٹھانے کے لیے کشمیر گئے ہوئے ہیں تاہم آزاد کشمیر کے انتخابات کے بعد انہیں سندھ کا رخ کرنا ہی پڑے گا۔
بلاول بھٹو جو فلم کشمیر میں چلا رہے ہیں وہ فلاپ ہوگئی، فردوس عاشق اعوان
