فن لینڈ میں خاتون وزیر اعظم کے رقص کی ویڈیو وائرل، عوام کی تنقید

ناقدین کا کہنا ہے کہ فن لینڈ کی وزیر اعظم کو عوامی مسائل حل کرنا ہوں گے۔ موسیقی کی محافل میں شرکت کے بعد رقص کی ویڈیو کا وائرل ہونا کسی بھی طرح ایک وزیر اعظم کیلئے مناسب بات نہیں لگتی۔

بعض سوشل میڈیا صارفین کا کہنا ہے کہ ویڈیو میں خاتون وزیر اعظم مبینہ طور پر منشیات کے زیرِ اثر تھیں تاہم فن لینڈ کی وزیر اعظم ثنا مارن کا کہنا ہے کہ مجھے کوئی ضرورت نہیں کہ کسی سے کچھ چھپاؤں۔

وزیر اعظم فن لینڈ ثنا مارن نے مزید کہا کہ میں منشیات استعمال نہیں کرتی، یہ ثابت کرنے کیلئے ڈرگ ٹیسٹ بھی کراسکتی ہوں۔ ایک شام اپنے دوستوں کے ساتھ گزاری جو ایک نجی تقریب تھی، کسی نے بھی منشیات استعمال نہیں کیں۔

دوسری جانب ویڈیو سوشل میڈیا پر سامنے آنے کے بعد فن لینڈ کے بعض سیاستدانوں کا کہنا ہے کہ ملک کی 46ویں وزیر اعظم ثنا مارن کو ڈرگ ٹیسٹ کرانا ہی ہوگا تاکہ عوام کے خدشات کا ازالہ ہوسکے۔