گوگل نیوز پر ہمیں فالو کریںکوئٹہ: ایف آئی اے سائبر کرائم سرکل نے کارروائی کرتے ہوئے سوشل میڈیا پر خاتون بن کر قابل اعتراض تصاویر اور ویڈیوز بنانے والے ملزم کو گرفتار کرلیا۔
ایف آئی اے سائبر کرائم سرکل کوئٹہ نے کامیاب کارروائی کرتے ہوئے خاتون بن کر قابل اعتراض تصاویر اور ویڈیوز بنانے والے ملزم کو گرفتار کرلیا ہے۔
ترجمان ایف آئی اے کے مطابق ملزم سمیع اللہ نے خاتون کے نام سے فیس بک آئی ڈیز بنائی ہوئی تھیں اور وہ آئی ڈی استعمال کرتے ہوئے قابل اعتراض ویڈیوز ریکارڈ کیں۔
کوہاٹ میں قبائلی جھگڑے کے دوران فائرنگ،15افراد جاں بحق
ترجمان نے بتایا کہ ملزم متاثرہ شخص کو ہراساں اور بلیک میل کر رہا تھا، جبکہ اس نے قابل اعتراض مواد سوشل میڈیا پر بھی شیئر کیا تھا اور متاثرہ شخص کو ملاقات کے لئے بھی بلیک میل کرتا رہا ہے۔
ایف آئی اے ترجمان کے مطابق ملزم کے خلاف پیکا ایکٹ کے تحت مقدمہ درج تھا، ملزم کو جدید وسائل بروئے کار لاتے ہوئے کوئٹہ سے گرفتار کیا گیا، اور اس کے قبضے میں لے کر فرانزک کیلئے بھجوا دیا گیا ہے، مقدمےکی تفتیش جاری ہے۔
