گوگل نیوز پر ہمیں فالو کریںمعروف اداکار فیروز خان نے سابقہ اہلیہ علیزے سلطان کی جانب سے عدالت میں پیش کیے گئے تشدد کے شواہد پر ردعمل کا اظہار کردیا۔
گزشتہ دنوں سے سوشل میڈیا پر علیزے سلطان کی جانب سے عدالت میں پیش کیے گئے تشدد کے شواہد کی تصاویر وائرل ہورہی تھیں جس پر سوشل میڈیا صارفین اور شوبز انڈسٹری سے منسلک معروف شخصیات کا سخت ردعمل سامنے آیا تھا۔
تاہم، اب سوشل میڈیا پر اداکار کا اس معاملے پر ردعمل سامنے آیا ہے اور انہوں نے اِن الزامات کو بے بنیاد قرار دیا ہے۔
فیروز خان نے فوٹواینڈ ویڈیو شیئرنگ ایپ انسٹاگرام پر کی گئی پوسٹ میں کہا ہے کہ میں خود پر لگنے والے اور سوشل میڈیا پر زیرِگردش بے بنیاد، جھوٹے، بدنیتی پر مبنی الزامات کی تردید کرتا ہوں، ان الزامات کی حقیقت میں کوئی حیثیت نہیں ہے، میں ان الزامات سے متعلق اپنی قانونی ٹیم کے ساتھ رابطے میں ہوں۔
– note. pic.twitter.com/UHJh6qCZet
— Feroze Khan (@ferozekhaan) October 25, 2022
انہوں نے کہا کہ میں واضح طور پر یہ کہنا چاہتا ہوں کہ میں نے آج تک کوئی قانون نہیں توڑا اور نہ ہی کسی کے حقوق کی تلفی کی ہے، میں دنیا کے سب ہی انسانوں کے حقوق کا احترام کرتا ہوں۔
کیا کامیاب مزاحیہ ڈراما ’نادانیاں‘ پھر سے آرہا ہے؟
واضح رہے کہ فیروز اور علیزے کا بچوں کی حوالگی سے متعلق کیس کراچی کی مقامی عدالت میں زیر سماعت ہے جب کہ علیزے نے فیروز کی جانب سے تشدد کا نشانہ بنائے جانے کا الزام عائد کرتے ہوئے عدالت میں مزید شواہد پیش کیے ہیں۔
