گوگل نیوز پر ہمیں فالو کریںلاہور: حکومت نے بیرون ملک جانے کے منتظر افراد کو بوسٹر ڈوز لگانے کا اصولی فیصلہ کرلیا اور بیرون ملک جانے والوں کی بوسٹر ویکسی نیشن کے لئے حکمت عملی بھی تیاری کرلی گئی جبکہ ویکسی نیشن نہ کروانے والے افراد کے گرد گھیرا مزید تنگ کرنے کا فیصلہ کرلیا گیا ہے۔
حکومت کی جانب سے بیرون ملک جانے کے منتظر افراد کے لئے ویکسین کی بوسٹر ڈوز لگانے کا فیصلہ کیا گیا ہے، بوسٹر ویکسی نیشن کا آغاز رواں ماہ ہوگا اور ویکسی نیشن کا سلسلہ مخصوص شہروں میں ہوگی۔
ذرائع کا کہنا ہے کہ بیرون ملک جانے والوں کی بوسٹر ویکسی نیشن کے لئے الگ کائونٹرز ہوں گے اور ان افراد کو امریکی اور برطانوی بوسٹر ڈوز لگائی جائے گی۔ذرائع کا کہنا ہے کہ بوسٹر ڈوز والوں سے ویکسین قیمت اور ایڈمنسٹریشن چارجز لیے جائیں گے لیکن بیرون ملک جانے والوں کی بوسٹر ویکسی نیشن سفری دستاویز سے مشروط ہے۔
ذرائع کے مطابق بوسٹر ویکسی نیشن کے خواہش مند افراد کے لئے ویزہ دکھانا لازم ہوگا پھر ویکسین کی بوسٹر ڈوز لگائی جائے گی اور بعدازاں بیرون ملک جانے کے منتظر افراد کو بوسٹر ڈوز کا سرٹیفکیٹ جاری ہوگا۔
دوسری جانب کمشنر لاہور نے ویکسی نیشن نہ کروانے والے افراد پر پبلک مقامات میں داخلے کی ڈیڈ لائنز مقرر کر دی ہے۔
محکمہ تعلیم سے منسلک افراد اساتذہ،انتظامیہ اور ٹرانسپورٹ کو پہلی ویکسی نیشن ڈوز لگوانے کے لیے 31 ستمبر کی ڈیڈ لائن مقرر کی گئی ہے محکمہ تعلیم سے منسلک افراد کے لیے دوسری ڈوز لگوانے کی ڈیڈ لائن 30 ستمبر مقرر کی گئی ہے۔
مزید پڑھیں:پاکستان میں کورونا سے مزید 141اموات،4199شہری وباء کا شکار
