گوگل نیوز پر ہمیں فالو کریںاسلام آباد: وفاقی کابینہ نے مشتاق مہر کو نیا آئی جی سندھ تعینات کرنے کی منظوری دے دی۔
وفاقی حکومت نے مشتاق مہر کو انسپکٹر جنرل سندھ تعینات کرنے کا فیصلہ کیا ہے، وفاقی کابینہ نے سرکولیشن کے ذریعےنئے آئی جی سندھ کی تعیناتی کی سمری کی منظوری دی۔
مشتاق مہر اس وقت 22 گریڈ کے افسر کے طور پر آئی جی ریلویز کی حیثیت میں وفاقی حکومت کے ماتحت کام کر رہے ہیں جبکہ اس سے قبل وہ کراچی پولیس چیف کی حیثیت سے 3 سال تک سندھ حکومت کے ساتھ کام کرچکے ہیں۔
سندھ حکومت نے آئی جی سندھ کے لیے گریڈ 22 کے ایک اور 21 کے 4 ناموں کی سمری بھجوائی تھی جس میں مشتاق مہر، غلام قادر تھیبو کامران فضل، ثناء اللہ عباسی اور انعام غنی شامل تھے، تاہم وفاقی کابینہ نے مشتاق مہر کے نام کی منظوری دی۔
واضح رہے کہ آئی جی سندھ کلیم امام اور سندھ حکومت کے مابین کافی عرصے سے تنازع چل رہا ہے،گزشتہ دنوں سندھ کابینہ نے آئی جی سندھ پولیس کلیم امام کو عہدے سے ہٹاکر ان کی خدمات وفاق کے سپرد کرنے کی منظوری دی تھی۔
یہ بھی پڑھیں: آئی جی سندھ کلیم امام کی عمر کوٹ کے ایس پی پر ضمنی الیکشن میں مداخلت کا الزام
