گوگل نیوز پر ہمیں فالو کریںاسلام آباد: حکومت پاکستان نے اسکول ایجوکیشن ڈیپارٹمنٹ میں سیکڑوں تدریسی نوکریوں کا اعلان کیا ہے۔
حکومت نے اخبارات میں اشتہار کے ذریعے بی پی ایس 14میں ایلیمنٹری اسکول ٹیچر کی آسامیوں کے لیے درخواستیں طلب کی ہیں۔درخواستیں جمع کرانے کی آخری تاریخ 10 فروری 2025 ہے۔
بھرتی کے لیے کل 257 آسامیاں ہیں جن میں مردوں کے لیے 212 اور خواتین کے لیے 45 آسامیاں شامل ہیں۔
اشتہار میں لکھا گیا ہے کہ فیڈرل گورنمنٹ ایجوکیشنل انسٹی ٹیوشنز (کنٹونمنٹس/گیریژنز) میں درج ذیل آسامیوں کو مستقل بنیادوں پر پُر کرنے کے لیےپاکستانی شہریوں سے درخواستیں طلب کی جاتی ہیں جو مطلوبہ تعلیمی قابلیت، کوٹہ اور مطلوبہ عمر کے حامل ہیں۔
اپلائی کرنے کا طریقہ
اہل امیدوار https://induction.fgei.gov.pk/ پر آن لائن درخواست دیں گے (کوئی ہارڈ کاپی نہیں دی جائے گی)
درخواست جمع کرانے سے پہلے امیدواروں کو درست/ضروری دستاویزات اپ لوڈ کرنی ہوں گی۔
درخواستوں کی جانچ پڑتال کی بنیاد پر شارٹ لسٹ کیے گئے امیدواروں کو تحریری امتحان کے لیے بلایا جائے گا۔
پاکستانیوں کی قسمت کھلنے کا وقت آگیا، برطانیہ میں ہزاروں نوکریاں، ویزے کیلئے اپلائی کرنے کا طریقہ
تحریری ٹیسٹ پشاور، راولپنڈی، لاہور، ملتان، کراچی اور کوئٹہ کنٹونمنٹس میں لیے جائیں گے۔ تحریری امتحان کے مقام، تاریخ اور وقت کے بارے میں اطلاع لاگ ان اکاؤنٹ/ ویب سائٹ کے ذریعے دی جائے گی۔
امیدوار اپنے لاگ ان اکاؤنٹ سے رول نمبر سلپ ڈاؤن لوڈ کریں اور اسے امتحانی مرکز پر لائیں۔
اہلیت
سکینڈ کلاس یا گریڈ سی بیچلر ڈگری 4 سال یاایچ ای سی سے تسلیم شدہ اداروں سے مساوی یا اعلی تعلیمی قابلیت۔
اہلیت کا تعین رجسٹریشن کی آخری تاریخ پر کیا جائے گا۔
عمر کی حد: 18-30 سال (بشمول 5 سال عام عمر میں نرمی)۔
عمر کا تعین رجسٹریشن کی آخری تاریخ پر کیا جائے گا۔
عمر میں نرمی: زیادہ سے زیادہ عمر کی حد میں اس حد تک نرمی کی جا سکتی ہے جیسا کہ ذیل میں بتایا گیا ہے۔جہاں امیدوار ایک سے زیادہ زمرے کے تحت عمر میں رعایت کا حقدار ہے، اسے صرف ایک زمرے میں عمر میں رعایت دی جائے گی۔
انٹرویو/انتخاب کا عمل
شارٹ لسٹ کیے گئے امیدواروں کو ٹیسٹ کے نتائج کی بنیاد پر انٹرویو کے لیے بلایا جائے گا۔
انٹرویو کے مقام، تاریخ اور وقت کی اطلاع خطوط کے ذریعے دی جائے گی۔
شارٹ لسٹ کیے گئے امیدواروں کو انٹرویو کے وقت اصل دستاویزات (بشمول تعلیمی سرٹیفکیٹ) پیش کرنا ہوں گی۔
سرکاری ملازمین کو انٹرویو کے وقت اپنے محکمہ سے تازہ نو آبجکشن سرٹیفکیٹ پیش کرنا ہوگا۔
