گوگل نیوز پر ہمیں فالو کریںنیویارک: اقوام متحدہ کے ادارہ برائے مہاجرین (یو این ایچ سی آر) کا کہنا ہے کہ افغانستان میں انسانی المیہ پیدا ہونے کا خدشہ بڑھتا جارہا ہے۔ اس خطرے کے پیش نظر ہمسایہ ممالک بحران کے پیش نظر اپنی سرحدیں کھلی رکھیں۔
یو این ایچ سی آر کی ترجمان نے پریس کانفرنس کرتے ہوئے بتایا کہ افغانستان میں رواں سال کے آغاز سے اب تک 4 لاکھ افراد بے گھر ہوچکے ہیں۔
افغانستان میں جاری بحران کے پیش نظر ہمسایہ ممالک اپنی سرحدیں کھلی رکھیں۔ سرحدیں بند ہونے کی وجہ سے شہری محفوظ مقامات تک نہیں پہنچ سکیں گے۔ تحفظ کے حصول میں ناکامی بے شمار افغان شہریوں کی زندگیوں کو خطرے میں ڈال سکتی ہے۔
انہوں نے مزید کہا کہ ملک سے باہر افغان شہریوں کو بین الاقوامی تحفظ کی ضرورت ہوسکتی ہے۔ ان کا کہنا ہے کہ اقوام متحدہ افغانستان کے ہمسایہ ممالک کے ساتھ انسانی ہمدردی کے اقدامات میں ہر ممکن تعاون کے لیے تیار ہے۔
یہ بھی پڑھیں : حکومت پاک چین اقتصادی راہدی کی بروقت تکمیل کے لیے پرعزم ہے، وزیراعظم
