گوگل نیوز پر ہمیں فالو کریںکراچی:فیڈرل بورڈآف ریونیو(ایف بی آر) نے بڑا اقدام اُٹھاتے ہوئے افغانستان کے ساتھ تجارت کے فروغ کے لئے افغان تاجروں کو ٹیکس چھوٹ دینے کی تجویز منظور کرلی ہے۔
ایف بی آر کی جانب سے پاک افغان تجارت کے فروغ کیلئے افغانستان سے تازہ پھلوں کی درآمد پر سیلز ٹیکس ختم کرنے کا نوٹیفکیشن جاری کر دیا ہے۔جس کے باعث تاجر برادری میں خوشی کی لہر دوڑ گئی ہے۔
واضح رہے کہ سیلز ٹیکس کی چھوٹ کا اطلاق ایسے پھلوں پر ہوگا جو پاکستان میں وافر مقدار میں پیدا نہیں ہوتے۔ معاون خصوصی شہزاد ارباب کا کہنا ہے کہ افغان تاجروں کو رعایتیں دینے سے دونوں برادر ممالک کے تعلقات مزید مستحکم ہوں گے۔
ادھر پاک افغان پارلیمانی فرینڈشپ گروپ کی ٹاسک فورس کی ایگزیکٹو کمیٹی کا تیسرا اجلاس ہوا، جس میں تجارت کے فروغ کے لئے افغانستان کی تکنیکی معاونت کی بھی سفارش کی گئی۔ یہ بھی تجویز دی گئی کہ بنیادی اشیائے ضروریہ کی سپلائی جاری رکھنے کیلئے افغانستان کی مدد کی جائے۔
مزید پڑھیں: پیرس کلب کا پاکستان کو قرض واپس کرنے کیلئے مزید وقت دینے کا اعلان
