فیفا کی پابندی، فیصل قریشی نے وزیراعظم سے فٹبالرز کی مدد کی اپیل کردی

پاکستان نے نامور اداکار فیصل قریشی نے فیفا کی جانب سے پابندی کے بعد وزیراعظم عمران خان سے فٹبالرز کی مدد کی اپیل کردی ہے۔

فیصل قریشی کا یہ ٹویٹ پاکستانی ویمنزفٹ بال ٹیم کی کپتان ہاجرہ خان کی اپیل کے بعد سامنے آیا ہے ،اداکار نے ٹویٹر پر اپنے پیغام میں لکھا کہ وہ فٹ بالر ہاجرہ خان کی اپیل پر مثبت مداخلت کے منتظر ہیں۔

My request to our #PM, #President & all other related authorities, to rise to the occassion and support football for our #sportswomen and men that do and can make Pakistan Proud.
Looking forward to positive intervention on @hajrakn 's honest and heartfelt appeal.

— Faysal Quraishi (@faysalquraishi) April 8, 2021

حاجرہ خان نے سب سے پہلے فیفا کی جانب سے پاکستان پر پابندی عائد کرنے کی خبریں شیئر کیں۔ ہاجرہ خان نے پیغام میں حکام سے معاملہ حل کرنے اور ہمارے قومی کھلاڑیوں کی مددکرنے کا مطالبہ کیا تھا۔

 

View this post on Instagram

 

A post shared by Hajra Khan (@hajrakhan.14)

ٹویٹر پر پوسٹ کی گئی ایک ویڈیو میں حاجرہ خان نے کہا تھاکہ پچھلے چار سالوں میں ملک کی فٹ بال گورننس باڈی کودوسری مرتبہ معطل کیا گیا ہے،اس خبر سے شرمندگی محسوس ہورہی ہے۔

واضح رہے کہ فٹبال کی عالمی تنظیم فیفا نے پاکستان فٹ بال فیڈریشن کی رکنیت معطل کر دی ہے،فیفا کے مطابق عالمی تنظیم کی کونسل نے یہ قدم پاکستان میں دو فٹ بال ایسوسی ایشن کے درمیان جاری تنازع کی وجہ سے اٹھایا۔

فیفا کونسل کے بیورو نے اس حوالے سے اپنا بیان جاری کیا جس میں کہا گیا ہے کہ پاکستان فٹ بال فیڈریشن (پی ایف ایف) کی رکنیت اس کے معاملات میں تیسرے فریق کی مداخلت کے باعث فوری طور پر معطل کی گئی، جو فیفا کے آئین کی صریح خلاف ورزی ہے۔