پاکستان میں ظلم کی حکومت، انسانی حقوق سلب ہوچکے ہیں۔فواد چوہدری

اسلام آباد: سابق وزیرِ اطلاعات فواد چوہدری نے کہا ہے کہ پاکستان میں ظلم کی حکومت ہے جس کے دوران انسانی حقوق سلب ہوچکے ہیں جبکہ وزیر اعظم غیر ملکی دورہ کر رہے ہیں۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ شہباز شریف ایک بار پھر غیر ملکی دورے پر روانہ ہورہے ہیں جبکہ وزیرِ خارجہ پوری دنیا گھوم چکے ہیں۔

یہ بھی پڑھیں:

عمران خان  سے مذاکرات غیرمشروط ہونگے۔قمرزمان کائرہ

ٹوئٹر پیغام میں فواد چوہدری نے کہا کہ سمجھ سے باہر ہے اتنے دوروں نے پاکستان کو کیا دیا؟ ہمارے قریب ترین دوست ممالک پاکستان کے مالیاتی بحران کے معاملے سے لاتعلق کھڑے ہیں۔

پاکستان کے اندر ظلم اور جبر کی حکومت ہے انسانی اور سیاسی حقوق سلب ہو چکے ہیں، بلوچستان اور خیبرپختونخوا کے بعد اب پنجاب میں لوگ مِسنگ پرسنز بن رہے ہیں، بحیثیت جوہری ریاست ہماری ریاستی صلاحیتوں پر سوال کھڑے کئے جارہے ہیں یہ اسٹیبلشمنٹ کے غیر ضروری تجربے Regime Change کے ثمرات ہیں

— Ch Fawad Hussain (@fawadchaudhry) March 5, 2023

پی ٹی آئی رہنما فواد چوہدری نے کہا کہ کشمیر اور افغانستان کے معاملات پر 10 ماہ سے کبھی کہیں ذکر ہی نہیں ہوا۔ پاکستان میں ظلم اور جبر کی حکومت ہے۔ انسانی اور سیاسی حقوق سلب ہوچکے ہیں۔

سابق وزیرِ اطلاعات فواد چوہدری نے کہا کہ بلوچستان اور خیبر پختونخوا کے بعد اب لوگ پنجاب میں لاپتہ ہورہے ہیں۔ بحیثیت ایٹمی ملک ہماری ریاستی صلاحیتوں پر سوالات کھڑے کیے جارہے ہیں۔

انہوں نے ملک کی سیاسی و عسکری قیادت کو تنقید کا نشانہ بناتے ہوئے کہا کہ یہ اسٹیبلشمنٹ کے غیر ضروری تجربے رجیم چینج (حکومت کی تبدیلی) کے ثمرات ہیں۔