آئین کے تحت تحلیل شدہ اسمبلیوں کی بحالی ممکن نہیں ہے۔فواد چوہدری

لاہور: پی ٹی آئی رہنما و سابق وزیرِ اطلاعات فواد چوہدری نے کہا ہے کہ آئین کے تحت تحلیل شدہ اسمبلیوں کی بحالی ممکن نہیں ہے، اس قسم کی تجاویز سے الیکشن کے انعقاد میں ٹال مٹول کی جارہی ہے۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے معروف صحافی عمران ریاض کی ایک پوسٹ کا جواب دیتے ہوئے کہا کہ آئین کے تحت یہ ممکن نہیں ہے کہ اسمبلیاں بحال ہوں۔

یہ بھی پڑھیں:

نواز شریف میری نااہلی کا حکم دے رہا ہے، عمران خان

سابق وفاقی وزیر فواد چوہدری نے حکومت کو تنقید کا نشانہ بناتے ہوئے کہا کہ اس طرح کی تجاویز صرف الیکشن نہ کرانے کے بہانے ہیں، ملک کا سیاسی بحران صرف انتخابات سے حل ہوسکتا ہے۔

قبل ازیں معروف صحافی و نیوز اینکر عمران ریاض نے اپنے ٹوئٹر پیغام میں کہا تھا کہ پنجاب اور خیبر پختونخوا اسمبلیوں کی بحالی کی تجاویز سامنے آرہی ہیں۔ اگر پی ٹی آئی تحلیل شدہ اسمبلیوں میں دوبارہ حکومت لیتی ہے تو یہ فیصلہ سیاسی نقصان کا باعث ہوگا۔

آئین کے تحت یہ ممکن نہیں ہے کہ اسمبلیاں بحال ہوں اس طرح کی تجاویز صرف الیکشن نہ کرانے کے بہانے ہیں، ملک کا بحران صرف انتخابات سے حل ہو سکتا ہے https://t.co/raMQ3LO4Bi

— Ch Fawad Hussain (@fawadchaudhry) April 25, 2023

عمران ریاض خان نے کہا کہ پی ڈی ایم نے ایک شاندار چال چلی ہے، دیکھتے ہیں کہ وہ کامیاب ہوتے ہیں یا نہیں۔

یاد رہے کہ اس سے قبل ایک اور ٹوئٹر پیغام میں فواد چوہدری کا کہنا تھا کہ کوئی دانشور طبقہ نہیں بلکہ تین چینلز سے جڑے لوگ نوکری کر رہے ہیں۔ دانشوری کا اس سے کیا تعلق؟

فواد چوہدری نے کہا کہ ان 3 چینلز سے جڑے لوگوں کو واٹس ایپ گروپ میں پیغام آتا ہے، وہ آگے کردیتے ہیں، ان کا مہینہ کھرا ہوجاتا ہے۔

کوئ دانشور طبقہ نہیں تین چینلز سے جڑے لوگ نوکری کر رہے ہیں، دانشوری کا اس سے کیا تعلق انھیں WhatsApp group میں پیغام آتا ہے وہ وہ آگے کر دیتے ہیں ان کا مہینہ کھرا۔۔۔ https://t.co/bvZOQGYjgu

— Ch Fawad Hussain (@fawadchaudhry) April 25, 2023