جن کارکنوں پر پولیس کے قتل کے پرچے ہیں ان کو چھوڑ نہیں سکتے، فواد چوہدری

اسلام آباد: وفاقی وزیر اطلاعات و نشریات فواد چوہدری نے کہا ہے کہ کہ کالعدم تحریک لبیک کے جن کارکنوں پر پرچے درج ہوئے ہیں تو وہ عدالت میں ‏جائیں گے مگر جن پر قتل کے پرچے ہیں ان کو چھوڑ نہیں سکتے پولیس اہلکار شہید ہوئے ہیں ان کو بھول ‏جائیں تویہ نہیں ہوسکتا ہے۔

میڈیا سے گفتگو میں فواد چوہدری کا کہنا تھا کہ تاریخ میں نفرت کی فصل بوئیں گے تو محبت کی ‏فصل نہیں کاٹیں گے، عمران خان کی حکومت کا عزم ہے پاکستان کو پروگریسو پاکستان بنانا ہے ‏مدینہ کی ریاست میں اختلاف رائے کو برداشت کیا جاتا تھا یہی وہ ریاست ہے جس کا خواب عمران خان ‏دیکھتے ہیں۔

وفاقی وزیر نے کہا کہ اتوار کے دن پاکستان میں احتجاج ہوا ڈھائی لاکھ ٹوئٹس آئے جس میں سے ‏‏70 فیصد شیرئنگ بوٹ کے ذریعے ہوئے جس کا مرکز ہندوستان ہے۔