گوگل نیوز پر ہمیں فالو کریںاسلام آباد: سابق وزیرِ اطلاعات فواد چوہدری نے عدالتوں کی جانب سے قومی احتساب بیورو (نیب) کے کرپشن پر دائر کیے گئے 50 ریفرنسز ختم کرنے پر شدید ردِ عمل دیتے ہوئے عوام سے احتجاج کیلئے گھروں سے نکلنے کی اپیل کی ہے۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ سازش کا بڑا مقصد حاصل کر لیا گیا۔ اربوں روپے کے نیب مقدمات ختم ہوگئے۔ عوام کا پیسہ ڈاکوؤں کے گینگ میں تقسیم ہوگیا۔
انہوں نے کہا کہ ڈاکوؤں کے گینگ نے تقسیم کیا گیا عوام کا پیسہ کھا پی کر ہضم کر لیا۔ عوام اس عظیم ڈکیتی کو ناکام بنائے، حقیقی آزادی حاصل کرے اور چوروں اور ڈاکوؤں کے اس گینگ کو واپس کٹہرے میں لانے کیلئے باہر نکلے۔
سازش کا بڑا مقصد حاصل کر لیا گیا اربوں روپے کے نیب مقدمات ختم ہو گئے، عوام کا پیسہ ڈاکوؤں کے گینگ میں تقسیم اور کھایا پیا ہضم۔۔۔ عوام اس عظیم ڈکیتی کو ناکام بنائے #حقیقی_آزادی حاصل کرے اور چوروں اور ڈاکوؤں کے اس گینگ کو واپس کٹہرے میں لانے کیلئے باہر نکلے pic.twitter.com/NubpK0PFH7
— Ch Fawad Hussain (@fawadchaudhry) September 18, 2022
