گوگل نیوز پر ہمیں فالو کریںاسلام آباد: تحریکِ انصاف کے مرکزی رہنما و سابق وزیرِ اطلاعات فواد چوہدری نے کہا ہے کہ پاکستان کا اصل مسئلہ سیاستدانوں کا عوامی فیصلے تسلیم نہ کرنا ہے جبکہ موجودہ حکومت کو عوام نے مسترد کردیا۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ پاکستان کا اصل مسئلہ سیاستدانوں کا عوام کے فیصلے نہ ماننا ہے۔ اگر ن لیگ میں ذرا سی بھی جمہوریت ہوتی تو پنجاب کے الیکشن کے بعد حمزہ شہباز استعفیٰ دے دیتے۔
ٹوئٹر پیغام میں سابق وزیرِ اطلاعات فواد چوہدری نے حکمراں سیاسی جماعت پر تنقید کرتے ہوئے کہا کہ اگر ن لیگ میں جمہوریت ہوتی تو اپنی پنجاب کی قیادت بدل دیتی اور اپنی غلطیوں پر نظر ثانی کرتی۔ اس کی بجائے ہر صورت کرسی سے چمٹے رہنے کی پالیسی چل رہی ہے۔
جب عوام نے آپ کے خلاف فیصلہ دے دیا ڈپٹی اسپیکر خرید کر عدالتوں کو بلیک میل کرنے سے آپ کیسے حکومت میں رہ سکتے ہیں؟ چند صحافی خرید کر رائے عامہ نہیں بنتی اب انفرادیت کا دور ہے ہر شخص خود فیصلہ کرتا ہے 1985 کی سیاست اپنی آخری سانسیں لے رہی ہے
— Ch Fawad Hussain (@fawadchaudhry) July 26, 2022
