وزیر اعظم عوام کو ریلیف فراہم کرنے کیلئے ہر حد تک جائیں گے۔فواد چوہدری

اسلام آباد: وفاقی وزیرِ اطلاعات و نشریات فواد چوہدری نے کہا ہے کہ وزیر اعظم عوام کو ریلیف فراہم کرنے کیلئے ہر حد تک جائیں گے کیونکہ یہ اقدام عمران خان کی اولین ترجیح ہے۔

سماجی رابطے کی ویب سائٹ ٹوئٹر پر اپنے پیغام میں وفاقی وزیرِ اطلاعات و نشریات فواد چوہدری نے کہا کہ عوام کی تکالیف کا تدارک وزیر اعظم عمران خان کی اولین ترجیح ہے، وہ عوام کو ریلیف فراہم کرنے کیلئے ہر حد تک جائیں گے۔

یہ بھی پڑھیں:

غریب طبقے کیلئے ریلیف پیکیج کا اعلان، وزیر اعظم قوم سے خطاب آج کرینگے

مریم نواز کی کم ظرفی ن لیگ کو لے ڈوبی۔فواد چوہدری

پیغام میں وزیر اطلاعات فواد چوہدری نے کہا کہ آج قوم سے خطاب میں وزیر اعظم عمران خان ملکی تاریخ کے سب سے بڑے عوامی ریلیف پیکیج کا اعلان کریں گے جو عوام کی مشکلات میں کمی اور ان کی زندگیوں میں آسانیاں پیدا کرنے کیلئے سنگِ میل ثابت ہوگا۔ 

عوام کی تکالیف کا تدارک عمران خان کی پہلی ترجیح ہے۔وہ عوام کو ریلیف فراہم کرنے کیلئے ہر حد تک جائیں گے۔ قوم سے خطاب میں ملکی تاریخ کے بڑے عوامی ریلیف پیکج کا اعلان کریں گے۔ یہ پیکج عوام کی مشکلات میں کمی اور ان کی زندگیوں میں آسانیاں پیدا کرنے کیلئے سنگ میل ثابت ہوگا۔

— Ch Fawad Hussain (@fawadchaudhry) November 3, 2021

خیال رہے کہ اس سے قبل مہنگائی کے ستائے ہوئے عوام کیلئے خوشخبری سامنے آگئی، وزیر اعظم عمران خان آج قوم سے خطاب اور غریب طبقے کیلئے ریلیف پیکیج کا اعلان کریں گے۔

گزشتہ روز یہ خبر سامنے آئی کہ وزیر اعظم عمران خان 3 نومبر کو قوم سے خطاب کریں گے جس کے دوران ملک کی سیاسی و معاشی صورتحال پر روشنی ڈالی جائے گی اور قوم کو حکومتی فیصلوں پر اعتماد میں لیا جائے گا۔