گوگل نیوز پر ہمیں فالو کریںاسلام آباد: وفاقی وزیرِ اطلاعات فواد چوہدری نے دعویٰ کیا ہے کہ ملکی معیشت ترقی کر رہی ہے جس سے عام آدمی کی حالت بہتر ہورہی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے کہا کہ پیپلز پارٹی اور ن لیگ نے معیشت کا جو حشر کیا، اس کے نتیجے میں معاشی تکلیفوں کا سامنا کرنا پڑا۔
ٹوئٹر پیغام میں وزیرِ اطلاعات فواد چوہدری نے کہا کہ ایک طویل انتظار کے بعد معاشی پالیسیوں کے مثبت نتائج سامنے آنا شروع ہو گئے ہیں، ملک کی تاریخ میں پہلی بار 4 ہزار ارب سے زائد ٹیکس اکٹھا ہوا۔
پیپلز پارٹی اور نون لیگ نے معیشت کا جو حشر کیا اس کے نتیجے میں معاشی تکلیفوں کا سامنا کرنا پڑا،ایک طویل انتظار کے بعد معاشی پالیسیوں کے مثبت نتائج سامنے آنا شروع ہو گئے ہیں ملک کی تاریخ میں پہلی بار چارہزار ارب روپے سے زیادہ ٹیکس اکٹھا ہوا، بیرون ملک پاکستانیوں نے معیشت کو
— Ch Fawad Hussain (@fawadchaudhry) May 30, 2021
پیغام میں وزیر اطلاعات فواد چوہدری نے کہا کہ بیرونِ ملک پاکستانیوں نے معیشت کو پاؤں پر کھڑا کرنے کی اس کوشش میں بھرپور حصہ ڈالا اور 1 ہزار ارب روپیہ پاکستان بھیجا۔
وفاقی وزیرِ اطلاعات فواد چوہدری نے کہا کہ گندم، چاول، گنا اور مکئی کی تاریخی پیداوار ہوئی۔ زرعی معیشت میں 1 ہزار 100 ارب روپیہ منتقل ہوا جس سے کسانوں کی قوتِ خرید میں بھرپور اضافہ ہوا۔
زرعی ترقی کی تفصیلات بیان کرتے ہوئے فواد چوہدری نے کہا کہ ٹریکٹر 64 فیصد زیادہ فروخت ہوئے۔ کھاد اور زرعی ادویات کے استعمال میں اضافہ ہوا۔ اسٹاک مارکیٹ نے بھی ترقی کی۔
پاؤں پرکھڑا کرنےکی اس کوششش میں بھرپورحصہ ڈالا اور1,000ارب روپیہ پاکستان بھیجا، گندم،چاول،گنااور مکئ کی تاریخی پیداوار ہوئ زرعی معیشت میں 1100ارب روپیہ منتقل ہوااس سے کسانوں کی قوت خرید میں بھرپور اضافہ ہوا,ٹریکٹر 64% زیادہ فروخت ہوئے کھاد اور زرعی ادویات کے استعمال میں اضافہ ہوا
— Ch Fawad Hussain (@fawadchaudhry) May 30, 2021
وزیرِ اطلاعات فواد چوہدری نے کہا کہ اسٹاک مارکیٹ نے 27 مئی کو 2 اعشاریہ 21 ارب حصص کی خریدوفروخت سے نیا ریکارڈ قائم کیا۔ اس وقت پاکستان کی مارکیٹ دُنیا کی بہترین مارکیٹ ہے۔
انہوں نے کہا کہ سوال یہ ہے کہ کیا اس وقت جب معیشت اوپر جارہی ہے اور عام آدمی کی حالت بدل رہی ہے۔ اپوزیشن احتجاج کی کال کیوں دے رہی ہے؟ ایسی سیاست کا فائدہ کس کو ہوگا؟
اسٹاک مارکیٹ نے 27 مئی کو 2.21 ارب شیئرز کی خریدو فروخت سے نیا ریکارڈ قائم کیا، اس وقت پاکستان کی مارکیٹ دنیا کی بہترین مارکیٹ ہے، سوال یہ ہے کہ کیااس وقت جب معیشت اوپر جارہی ہے اور عام آدمی کی حالت بدل رہی ہے اپوزیشن احتجاج کی کال کیوں دے رہی ہے؟ ایسی سیاست کا فائدہ کس کو ہوگا
— Ch Fawad Hussain (@fawadchaudhry) May 30, 2021
قبل ازیں وفاقی وزیرِ اطلاعات و نشریات فواد چوہدری نے کہا ہے کہ اسٹیبلشمنٹ سسٹم کا حصہ ہے جبکہ کچھ لوگ بیرونِ ملک سیاسی پناہ حاصل کرنے کیلئے قومی اداروں کا نام لیتے ہیں۔
آج سے 2 روز قبل وزیرِ اطلاعات فواد چوہدری نے برطانوی میڈیا سے گفتگو کرتے ہوئے کہا کہ وزیرِ اعظم عمران خان حکومت کے تمام فیصلے کرتے ہیں تاہم اسٹیبلشمنٹ جو سسٹم کا حصہ ہے، اس سے ہمارے تعلقات بہت اچھے ہیں۔
مزید پڑھیں: لوگ سیاسی پناہ کیلئے قومی اداروں کا نام لیتے ہیں۔فواد چوہدری
