گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ اگر سابق وزیرِ اعظم نواز شریف اور سابق صدرِ مملکت آصف علی زرداری کو سزا نہ ہوئی تو نیب بند کرکے ڈھابہ کھول لینا چاہئے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ عوام کی نیب سے توقع ہے کہ مقدمات کو منطقی انجام تک پہنچایا جائے جبکہ ملزمان کو روزانہ تھیٹر لگانے کے مواقع فراہم کرنا مایوس کن ہے۔
وزیرِ سائنس و ٹیکنالوجی فواد چوہدری نے اپوزیشن جماعتوں پر تنقید کرتے ہوئے کہا کہ اگر ن لیگ کے تاحیات قائد نواز شریف اور پیپلز پارٹی کے شریک چیئرمین آصف زرداری کرپٹ نہیں تو پھر پاکستان ایک کرپشن فری ملک ہے۔
وفاقی وزیر فواد چوہدری نے قومی احتساب بیورو (نیب) کی ناقص کارکردگی اور کمزور کیسز پر مایوسی کا اظہار کرتے ہوئے کہا کہ اگر نواز شریف اور زرداری کو سزائیں نہیں ہوتیں تو ملک کے وسائل ضائع کرنے کیا فائدہ؟ نیب بند کرکے ڈھابہ کھول لیتے ہیں۔
عوام کی نیب سے توقع ہے کہ مقدمات کو منطقی انجام تک پہنچایا جائےملزمان کو روز تھیٹر لگانے کے مواقع فراہم کرنا مایوس کن ہے،شریف اور زرداری کرپٹ نہیں تو پھر پاکستان کرپشن فری ملک ہے، اگر ان کو سزائیں نہیں ہوتیں تو نیب بند کر کے ڈھابہ کھول لیتے ہیں ملک کےوسائل ضائع کرنے کا کیافائدہ؟
— Ch Fawad Hussain (@fawadchaudhry) March 22, 2021
یہ بھی پڑھیں: فوادچوہدری نے اپوزیشن سے تجاویز مانگ لیں، شیریں مزاری کا اختلافی نوٹ
