گوگل نیوز پر ہمیں فالو کریںاسلام آباد: سابق وزیرِ اطلاعات و پی ٹی آئی رہنما فواد چوہدری نے کہا ہے کہ گڑھے میں گری حکومت اینٹی اسٹیبلشمنٹ لگنے کیلئے باہر نکلنے کی بجائے مزید گڑھا کھودنے میں لگی ہوئی ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں سابق وفاقی وزیر فواد چوہدری نے کہا کہ ایسے احمق حکمران پاکستان کی تاریخ میں نہیں آئے۔ ملک میں بحران کم کرنے کی بجائے سوچ یہ ہے کہ بحران میں اضافہ کیا جائے۔
نئے اسپیکر کے انتخاب کیلئے پنجاب اسمبلی کا اجلاس آج ہوگا
ٹوئٹر پیغام میں فواد چوہدری نے کہا کہ حکومت کا ماننا ہے کہ بحران بڑھانے سے لگے گا کہ ہم اینٹی اسٹیبلشمنٹ ہیں اور ہمیں ووٹ ملے گا۔ یہ وہ احمق ہیں جو گڑھے میں گر گئے اور باہر نکلنے کی کوشش کی بجائے گڑھا اور کھود رہے ہیں۔
ایسے احمق حکمران پاکستان کی تاریخ میں نہیں آئے ملک میں بحران کم کرنے کی بجائے سوچ یہ ہے کہ بحران بڑھایا جائے اس سے لگے گا ہم Anti Establishment ہیں اور ہمیں ووٹ ملے گا یہ وہ احمق ہیں جو گڑھے میں گر گئے ہیں اور بجائے باہر نکلنے کی کوشش کے گڑھا اور گہرا کھود رہے ہیں
— Ch Fawad Hussain (@fawadchaudhry) July 28, 2022
رات گئے اپنے ایک اور ٹوئٹر پیغام میں فواد چوہدری کا کہنا تھا کہ اسپیکر قاسم سوری پہلے ہی استعفے منظور کرکے الیکشن کمیشن کو بھجوا چکے ہیں۔ آج اسپیکر کے 11 استعفے منظور کرنے کی کوئی قانونی حیثیت نہیں ہے۔
فواد چوہدری نے اراکینِ قومی اسمبلی کے استعفوں کی منظوری کی بعد کی حکمتِ عملی کے متعلق کہا کہ یہ خام خیالی ہے کہ حکومت ان حلقوں میں ضمنی الیکشن کرائے گی جبکہ ملک عام انتخابات کی طرف بڑھ رہا ہے۔ موجودہ حکمران انتخابات کو روک نہیں سکتے۔
اسپیکر قاسم سوری پہلے ہی استعفیٰ منظور کر کے الیکشن کمیشن کو بھجوا چکے ہیں آج اسپیکر کے گیارہ استعفیٰ منظور کرنے کی کوئ قانونی حیثیت نہیں، یہ خام خیالی ہے کہ آپ ان حلقوں میں ضمنی الیکشن کرائیں گے ملک عام انتخابات کی طرف بڑہ رہا ہے اور موجودہ حکمران انتخابات نہیں روک سکتے
— Ch Fawad Hussain (@fawadchaudhry) July 28, 2022
