وزیر اعظم پر قاتلانہ حملے کا منصوبہ سامنے آگیا۔ فواد چوہدری

اسلام آباد: وفاقی وزیرِ اطلاعات فواد چوہدری نے کہا ہے کہ وزیر اعظم پر قاتلانہ حملے کا منصوبہ سامنے آگیا ہے جس سے نمٹنے کیلئے سکیورٹی میں اضافہ کیا گیا ہے۔

سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے کہا کہ سکیورٹی اداروں نے رپورٹ کیا ہے کہ عمران خان پر قاتلانہ حملے کا منصوبہ سامنے آیا ہے جس کے بعد حکومت نے ان رپورٹس پر فیصلہ کیا۔

یہ بھی پڑھیں:

وزیر اعظم کی زیر صدارت اہم اجلاس، وفاقی وزراء اور گورنرز شریک

سیکیورٹی ایجنسیوں نے رپورٹ کیا ہے کہ وزیر اعظم عمران خان پر قاتلانہ حملےکا منصوبہ سامنے آیا ہے، ان رپورٹس کے بعد حکومتی فیصلے کے مطابق وزیر اعظم کی سیکیورٹی میں اضافہ کر دیا گیا ہے۔

— Ch Fawad Hussain (@fawadchaudhry) April 1, 2022

ٹوئٹر پیغام میں وزیر اطلاعات فواد چوہدری نے کہا کہ وزیر اعظم پر قاتلانہ حملے کی رپورٹس کے بعد حکومتی فیصلے کے مطابق وزیر اعظم کی سکیورٹی میں اضافہ کردیا گیا ہے۔ 

وزیر اعظم کی موجودہ سرگرمیاں

خیال رہے کہ اس سے قبل وزیر اعظم عمران خان کی زیر صدارت اہم اجلاس ہوا جس میں وفاقی وزراء اور بلوچستان و سندھ کے گورنرز نے شرکت یقینی بنائی۔اجلاس کے دوران ملک کی سیاسی صورتحال پر غور کیا گیا۔ 

 وزیر اعظم عمران خان نے وفاقی دارالحکومت اسلام آباد میں اہم اجلاس کی صدارت کی  جس میں گورنر سندھ عمران اسماعیل اور گورنر بلوچستان ظہور آغا کے علاوہ وفاقی وزراء علی زیدی، فواد چوہدری اور حماد اظہر شریک تھے۔