گوگل نیوز پر ہمیں فالو کریںاسلام آباد: وفاقی وزیرِ اطلاعات و نشریات فواد چوہدری نے کہا ہے کہ افغانستان کو عالمی برادری میں تنہا چھوڑنا خطرناک اور خطے میں انتشار کا باعث ثابت ہوسکتا ہے۔
سماجی رابطے کی ویب سائٹ ٹوئٹر پر وزیرِ اطلاعات فواد چوہدری نے افغانستان کی صورتحال اور وفاقی حکومت کی 3 سالہ کارکردگی کے متعلق اپنے پیغام میں کہا کہ اس وقت افغانستان میں خلا انتہائی خطرناک ثابت ہوسکتا ہے۔
Vaccum in Afghanistan is hugely dangerous,the world must not abandon people of Afghanistan otherwise there will be a chaos Pakistan is playing a responsible role but a vibrant role of major powers is extremely important to stabilise Afghanistan #Afghanistan https://t.co/YSOaOe8Bqr
— Ch Fawad Hussain (@fawadchaudhry) August 27, 2021
پیغام میں میں وفاقی وزیرِ اطلاعات نے کہا کہ اگر افغانستان کے لوگوں کو تنہا چھوڑ دیا گیا تو اس سے خطے میں انتشار پیدا ہوگا۔ افغانستان کے استحکام کیلئے بڑی طاقتوں کا متحرک کردار انتہائی اہمیت کا حامل ہے۔
وفاقی وزیرِ اطلاعات و نشریات فواد چوہدری نے کہا کہ پلوامہ، کورونا اور معاشی مشکلات کے باوجود آج پاکستان مستحکم ہے۔ قوم نے جو مشکلات گزشتہ 3 سال میں دیکھیں، آئندہ 3 سال میں ایسا نہیں ہوگا۔
وزیرِ اطلاعات فواد چوہدری نے کہا کہ افغانستان میں پاکستان اپنا ذمہ دارانہ کردار ادا کررہا ہے تاہم بڑی طاقتوں کو بھی ذمہ داریاں نبھانا ہوں گی تاکہ نئی صورتحال کے تناظر میں افغانستان ایک مستحکم ملک بن سکے۔
خیال رہے کہ اِس سے قبل وفاقی وزیرِ اطلاعات فواد چوہدری نے کہا کہ وفاقی حکومت نے کورونا کے باوجود معاشی ترقی کیلئے اچھے اور قابلِ قدر فیصلے اور اقدامات کیے۔
تحریکِ انصاف کے 3 سالہ دورِ اقتدار کی تکمیل پر گزشتہ روز اپنے خصوصی پیغام میں وزیرِ اطلاعات فواد چوہدری نے کہا کہ پی ٹی آئی نے خود داری، ترقی اور ملک کی بہتری کیلئے کام کیا۔
مزید پڑھیں: حکومت نے کورونا کے باوجود اچھے معاشی فیصلے کیے۔فواد چوہدری
