گوگل نیوز پر ہمیں فالو کریںڈیرہ اسماعیل خان میں 13 مارچ کو جندولہ فورٹ حملے میں مارے جانے والے خارجی دہشت گرد نعیم خان سے اس کے والد، خاندان اور گاؤں کے بڑوں نے مکمل لاتعلقی کا اعلان کر دیا۔
کری شموزئی، ڈی آئی خان کے 20 سے زائد معتبرین اور والد احمد خان نے جرگہ میں شرکت کی اور خارجی دہشت گرد نعیم خان سے مکمل لاتعلقی کا اظہار کیا۔
اس موقع پر ہلاک دہشت گرد کے والد احمد خان نے دوٹوک بیان دیا کہ جو پاکستان اور پاک فوج کے خلاف ہو، وہ ریاست کا دشمن ہے، چاہے میرا اپنا بیٹا ہی کیوں نہ ہو۔
ہلاک دہشت گرد کے والد احمد خان نے بتایا کہ تقریباً سوا سال پہلے میں اس کے پیچھے قرآن لے کر گیا، مگر اس نے قرآن بھی رد کر دیا۔
والد نے اعلان کیا کہ مجھے نہ اس کی لاش چاہیے اور نہ ڈھانچہ، خارجیوں کے لیے نہ کوئی عزت، نہ جنازہ، میرا بیٹا جہنم کا ایندھن ہے۔
واضح رہے کہ علاقے کی تاریخ میں پہلی بار کسی مرنے والے پر نہ فاتحہ خوانی ہوئی اور نہ تعزیت۔ عوام اور مشران نے خوارج کے خلاف سخت مؤقف دیتے ہوئے کہا کہ اپنے ملک کے خلاف ہتھیار اٹھانے والوں کے لیے کوئی رعایت نہیں۔
