گوگل نیوز پر ہمیں فالو کریںاداکارہ فریال محمود ایک بار پھر اپنے نازیبا لباس اور متنازع ڈانس ویڈیو کی وجہ سے سوشل میڈیا پر زیر بحث آ گئیں۔
فریال محمود نے حال ہی میں اپنے آفیشل انسٹاگرام ہینڈل پر ایک بلیک اینڈ وائٹ ویڈیو شیئر کی، جس میں وہ ’نہیں جینا گانے پر بولڈ انداز میں رقص کرتی ہوئی نظر آ رہی ہیں۔ ویڈیو میں فریال نے انتہائی چھوٹا لباس پہن رکھا ہے جس کی وجہ سے انہیں شدید تنقید کا سامنا کرنا پڑ رہا ہے۔
View this post on Instagram
ویڈیو شیئر کرتے ہوئے فریال محمود نے کیپشن میں لکھا کہ یہ ویڈیو پچھلے سال کی ہے جسے وہ پہلے شیئر نہیں کرنا چاہتی تھیں کیونکہ انہیں لگتا تھا کہ وہ اس میں موٹی نظر آ رہی ہیں۔ تاہم، اب وہ اس ویڈیو کو پوسٹ کرنے پر خوش ہیں اور اسے ایک خوبصورت لمحہ مانتی ہیں۔
فریال نے مزاحیہ انداز میں کہا کہ وہ مزیدار کھانے کے لیے جا رہی ہیں، جبکہ نئے کپڑے خریدنے کا ارادہ بھی رکھتی ہیں۔
اس ویڈیو میں اداکاہ کے بولڈ لباس اور ڈانس پر سوشل میڈیا صارفین کی جانب سے شدید ردعمل کا سامنا کرنا پڑ رہا ہے۔ جہاں ساتھی فنکار ان کی تعریف کرتے ہوئے نظر آرہے ہیں وہیں ناقدین اسے سستی شہرت حاصل کرنے کا طریقہ قرار دے رہے ہیں۔
